اسلام آباد (ویب ڈیسک)وزیر اعلیٰ پنجاب عثمان بزدار کے بھائی کو بڑا جھٹکا، لاہور ہائی کورٹ ملتان بنچ نےوزیراعلیٰ پنجاب عثمان بزدار کےحقیقی بھائی عمردراز کوبطور رسالدار ترقی دینے کی کارروائی روکنے کاحکم جاری کرتے ہوئےکمشنرڈیرہ غازی خان سے20ستمبرکوجواب طلب کرلیا۔ میڈیا رپورٹس کے مطابق فاضل عدالت میں ڈیرہ غازی خان کےرہائشی بشیراحمد چوہان نےدرخواست دائر کرتے ہوئےموقف اختیارکیا کہ بارڈر ملٹری پولیس میں گزشتہ 20 سال کےدوران ترقیاں نہیں ہوئی مگروزیراعلیٰ پنجاب نےاپنے بھائی جمعدارعمردرازکوترقی دلانے کیلئےبی ایم پی میں رسالدار کی دو ا?سامیاں پیداکیں اور ان ا?سامیوں کی منظوری کسی قبیلے سےمشروط نہیں کی گئی۔درخواست میں کہا گیاکہ قبیلہ کمیٹی سےمنظوری کےبعد ایڈیشنل چیف سیکرٹری اعجاز جعفرجو وزیراعلیٰ پنجاب اور نئی ا?سامی سے ممکنہ طور پر مستفید ہونیوالےعمر بردار کےحقیقی ماموں ہیں نےلیٹر کےذریعے رسالدار کی ایک سیٹ چمن قبیلہ ہزارہ اور دوسری لغاری تمن کیلئےمخصوص کردیں اور17 ستمبرکو ڈی بی سی کی تاریخ مقررکردی اورتعلیمی قابلیت کی شرط کو نرم کردیا گیا۔درخواست گزار نےموقف اختیارکیا کہ ڈیپارٹمنٹل پرموشن کمیٹی میں بارڈر ملٹری پولیس کےتمام اداروں کےکیسز پرغور کیا جاناچا ہئے۔فاضل عدالت نے دیگر امیدواروں کو بھرتیوں میں نظر انداز کرنے پرمتعلقہ افسران سے 20 ستمبرکوجواب طلب کرلیا۔
