لاس اینجلس (شوبز ڈیسک) کامیاب سپر ہیرو فلم پروڈکشن کمپنی کی نئی فلم ”سپائڈر مین ہوم کمنگ“ کا پہلا ٹریلر ریلیز کردیا گیا ہے، جو یقیناً کامیاب فلم سپائڈر مین کی یادیں اس کے مداحوں کے دلوں میں تازہ کردے گی۔سونی کولمبیا اور مارول سٹوڈیوز نے مل کر اس ٹریلر کو ریلیز کیا، جس میں آخر کار سپائڈر مین کو کافی بہترین انداز میں پیش کیا گیا۔اس فلم میں پرانی سپائڈر مین فلم کی طرح ایک نوجوان لڑکے کو پیش کیا گیا جو سکول کی تعلیم کے ساتھ ساتھ اپنی سپر ہیرو کی طاقتوں کو سنبھالتا ہے، فلم میں ہالی وڈ کے کامیاب اداکار رابرٹ ڈاونی جونیئر نے بھی اپنے کردار ٹونی اسٹارک کے ساتھ معاون کردار ادا کیا۔
