لاہور(ویب ڈیسک)پاکستان کی معروف اداکارہ ماہرہ خان نے کورونا سے محفوظ رہنے کا حل بتا دیا۔ اداکارہ ماہرہ خان نے پوری دنیا میں تیزی سے پھیلنے والے کورونا وائرس سے بچاو کے 7 طریقے شیئر کردیے۔انہوں نے کہا کہ مکمل آگاہی اور احتیاط کرکے ہی ہم اس وائرس سے نمٹ سکتے ہیں۔ماہرہ نے لکھا کہ اگر ہم سمجھداری سے اپنا کردار ادا کریں تو انشاءاللہ جلد ہی یہ کورونا وائرس ختم ہوجائے گا۔اداکارہ نے جو ساتھ احتیاطی تدابیر ٹوئٹر پر شئیر کی وہ یہ ہیں۔
اپنے ہاتھ زیادہ سے زیادہ دھوئیں 2: آنکھوں ، ناک اور چہرے کے مختلف اعضاءکو چھونے سے گریز کریں۔
3:کھانستے وقت آس پاس کا خیال کریں اور رومال یا ٹشو کے استعمال کو یقینی بنائیں۔
4: لوگوں کے بڑے اجتماعات میں جانے سے گریز کریں اور نزلہ زکام کا شکار افراد سے دور رہیں۔
5: طبعیت میں خرابی کی صورت میں گھر میں رہنے کو ترجیح دیں۔
6: اگر آپ کو بخار، کھانسی اور سانس لینے میں دشواری کا سامنا ہے تو فوراً ڈاکٹر سے رجوع کریں۔
7: باخبر زرائع کی معلومات پر یقین کریں۔
اداکارہ ماہرہ خان کے اس ٹوئٹ پر ایک صارف نے کہا کہ آپ ان تمام معلومات کی ترسیل کے لیے ٹی وی جیسے میڈیم کا استعمال کریں کیونکہ پاکستان میں ٹوئٹر تک کم لوگوں کی رسائی ہے۔ٹوئٹر پر مداح کی جانب سے کیے جانے والے سوال پر اداکرہ نے جواب دیا کہ وہ ایسا ہی کچھ کرنے کا ارادہ رکھتی ہیں۔ پاکستان میں کورونا وائرس سے 467 لوگ متاثر ہو گئے ہیں۔
