لاہور(ویب ڈیسک)کورونا وائرس کے بڑھتے کیسز کی وجہ سے لاک ڈاون کی صورتحال کے باوجود بھی پاکستان شوبز انڈسٹری کے اسٹارز نے یومِ پاکستان کے دن حب الوطنی کا ثبوت دیا۔عالمی وبا کورونا وائرس کے باعث لاک ڈاون ہونے کی وجہ سے 23 مارچ، یومِ پاکستان کو ملک بھر میں تمام تر لوگوں نے اپنے اپنے گھروں میں ہی رہ کر منایا۔کورونا وائرس کے پیشِ نظر جہاں پریڈ اور ائیر شو منسوخ کردیا گیا تھا تو وہیں پاکستانیوں نے محب وطن ہونے کا ثبوت دیتے ہوئے اپنے گھروں پر قومی ترانہ بجایا اور ساتھ ہی اپنی ویڈیوز بھی سوشل میڈیا پر اپ لوڈ کیں۔چلیں دیکھتے ہیں کہ شوبز انڈسٹری نے لاک ڈاون کے باوجود یومِ پاکستان کس طرح منایا۔
عائشہ عمر
یومِ پاکستان کے دن لاک ڈاون کی وجہ سے اداکارہ عائشہ نے گھر ہی میں قومی ترانہ پڑھا اور قوم کو اس صورتحال میں متحدہونے کا پیغام دیا۔
عاصم اظہر
نوجوان گلوکار عاصم اظہر نے یومِ پاکستان کے دن ‘دل سےمیں نے دیکھا پاکستان’ گایا، اور قوم کو یہ پیغام دیا کہ یقیناً یہ مشکل وقت ہے لیکن ہم جلد اس سے باہر آئیں گے۔
کومل رضوی
گلوکارہ کومل عزیز نے سبز رنگ کا لباس پہن کر قومی ترانا پڑھا اور اس دوران انہیں آبدیدہ بھی دیکھا گیا۔
جنید خان
اداکار جنید خان نے یومِ پاکستان کا دن لاک ڈاون کی وجہ سےاپنے ہی گھر پر صاحبزادےکے ساتھ قومی ترانا پڑھ کر منایا۔
ثروت گیلانی
اداکارہ ثروت گیلانی نے اپنے شوہر فہدمرزا اور بچوں کے ساتھ یومِ پاکستان کے دن گھر پر قومی ترانا پڑھ کر منایا۔
