لاہور(ویب ڈیسک)پاکستان شوبز انڈسٹری کی نامور اداکارہ حرا مانی نے کہا کہ اب امیر ہو یا غریب سب ہی کو کورونا سے خطر ہ ہے۔تفصیلات کے مطابق اداکارہ حرا مانی نے سماجی رابطے کی ویب سائٹ انسٹاگرام پر ایک پوسٹ شئیر کی جس میں انہوں نے لکھا کہ کہ اچانک سب کچھ ٹھیک ہورہا ہے، فضا میں آلودگی ختم ہو رہی ہے، لوگوں کے پاس اتنا وقت ہے کہ ان کو سمجھ نہیں آرہا ہے کہ آخر اِس وقت کے ساتھ کیا کریں۔حرا نے لکھا کہ والدین اپنے بچوں کو اور اپنی فیملی کو وقت دے رہے ہیں۔اداکارہ نے مزید کہا کہ اب و ہ سب کچھ ہورہا ہے جو ہمیں بہت پہلے کرلینا چاہیے تھا۔حرا نے لکھا کہ ہم ’لفظ یکجہتی‘ کو سمجھتے ہیں، اب ہم سمجھ گئے ہیں کہ ہم سب ایک ہی کشتی کے مسافر ہیں۔اداکارہ نے لکھا کہ اب جانور بھی ان جگہوں پر واپس لوٹ رہے ہیں جہاں سے وہ فضائی آلودگی اور انسان کی موجودگی کی وجہ سے چلے گئے تھے۔حرا نے کہا کہ مجھے نہیں لگتا کہ ہمیں کوئی پریشانی ہے بلکہ ہم جس طرح سے سوچتے ہیں اور جس طرح سے عمل کرتے ہیں پریشانی کی وجہ وہ ہے۔حرا مانی نے لکھا کہ ہم یہ جانتے ہیں کہ ہم خود ہی اپنے سیارے کو تباہ کر رہے ہیں لیکن پھر بھی ہم اِس کی بہتری کے لیے کوئی کام نہیں کرتے ہیں۔‘واضح رہے اداکارہ حرا مانی نے پوسٹ کی اختتام مین لکھا کہ مجھے امید ہے کہ جب یہ سب کچھ ٹھیک ہوجائے گا تو یہ ہم سب کے لیے ایک بہترین سبق ہوگا۔
