Close Menu
Khabrain Group Pakistan
    Facebook X (Twitter) Instagram
    بریکنگ نیوز
    • محکمہ لیبر حکام کی ملی بھگت رجسٹرڈ فیکٹریوں کمپنیوں میں ہنر مند مزدور ملازمین کیٹیگری تبدیل تنخواہوں سے کٹوتی کا انکشاف
    • جی ٹی اے 6 کی لانچ نے انٹرنیٹ ٹریفک کا نیا ریکارڈ بنا ڈالا
    • AIکمپنی کا بڑا کمال ایک ہی دن میں ہزاروں ملازمین کروڑ پتی بن گئے
    • برطانیہ میں پاکستان کے ہائی کمشنر ٹیپو عثمان نے برطانیہ کے بادشاہ چارلس سوئم کو اپنی سفارتی اسناد پیش کر دیں
    • غیر قانونی اسپیڈ بریکرز کے خلاف آپریشن متعدد اسپیڈ بریکرز ختم کر دیے گئے
    • بچوں کا عالمی دن ہمیں ان کے حقوق، تحفظ اور روشن مستقبل کے عزم کی تجدید کا موقع فراہم کرتا ہے:سنیٹر روبینہ خالد
    • محمد ہا شم چھینہ کی جانب سے کرپشن مافیا کیخلاف بڑا ایکشن
    • 24گھنٹوں کے دوران پنجاب بھر میں 1556ٹریفک حادثات 800افراد زخمی
    • پنجاب حکومت نے کینسر کے مریضوں کو مفت ادویات کی فراہمی کیلئے 2 ارب 50 کروڑ روپے جاری کردیئے
    • پنجاب حکومت کا سرکاری سکولوں میں ارلی چائلڈ ایجوکیشن کیلئے کلاسرومز بحالی کا فیصلہ’ الگ بجٹ جاری
    • توہین مذہب کے مقدمہ میں نامزد ملزم کوعمر قید بامشقت کی سزا سنا
    • یوفون اور ٹیلی نار پاکستان نے ملک بھر میں5Gسمارٹ فونز کے استعمال کے فروغ کیلئے Xiaomiکیساتھ شراکت داری قائم کر لی ۔
    • منشیات فروشی اور فحاشی کے اڈوں کا مکروہ دھندہ عروج پر پہنچ گیا
    • وزیراعلیٰ سندھ سے جنوبی کوریا کے سفیر کی ملاقات، مختلف شعبوں میں سرمایہ کاری پر اتفاق
    • بابائے صحافت مولاناظفرعلی خان کی70ویں برسی 27 نومبر کو منائی جائیگی
    • عمران مجرم نہیں تو بلاول اپنے والد صدر پاکستان سے ان کے معافی نامے پردستخط کروا کر رہائی دلائیں: عابد شیر علی
    • خاتون پر شوہر کے تشدد اور بال کاٹنے کے واقعہ پر سی پی او ڈاکٹر سردار غیاث گل کا نوٹس
    • آئرلینڈ کی یونیورسٹی نے اسرائیلی ادارے سے تعلقات منقطع کر لئے
    • پنجاب حکومت’ سرکاری سکولوں کیلئے نان ڈویلپمنٹ فنڈ کی مد میں 3 ارب 27 کروڑ روپے جاری
    • پنجاب حکومت کی محکمہ سکول ایجوکیشن کو نارتھ پنجاب ‘سنٹرل پنجاب اور جنوبی پنجاب میں تقسیم کرنیکی تجویز
    • Privacy Policy
    Khabrain Group Pakistan
    • ہوم
    • ای پیپر
      • لاہورایڈیشن
      • ملتان ایڈیشن
      • مظفرآباد ایڈیشن
      • نیا اخبار
    • نیشنل
    • انٹر نیشنل
    • سپورٹس
    • شوبز
    • کامرس
    • سائنس و ٹیکنالوجی
    • دلچسپ و عجیب
    • صحت
    • کالم
    • آرٹیکلز
    • ایڈیشن
      • اسلامی ایڈیشن
      • سپورٹس ایڈیشن
      • سیاسی ایڈیشن
      • شوبز ایڈیشن
    Facebook X (Twitter) Instagram
    Facebook X (Twitter) Instagram
    Khabrain Group Pakistan
    آج کا اخبار
    • ہوم
    • ای پیپر
    • نیشنل
    • انٹر نیشنل
    • سپورٹس
    • شوبز
    • کامرس
    • سائنس و ٹیکنالوجی
    • دلچسپ و عجیب
    • صحت
    • کالم
    • آرٹیکلز
    • ایڈیشن

    محض معطلیوں کی سزا کافی ہے……؟

    By Daily Khabrainجولائی 26, 2021
    Share Facebook Twitter Email WhatsApp
    Share
    Facebook Twitter Email WhatsApp

    شفقت حسین
    اکثر سننے میں آیا ہے کہ نوکری ہمیشہ محنت، اطاعت اور وفاداری کی عملی تصویر ہوا کرتی ہے اور نوکری اگر اسی جذبے کے تحت کی جائے تو اس کا مزہ ہی اپنا ہوتا ہے۔ قادر الکلام شاعر اور استاذ الاساتذہ مرزا غالب نے وفاداری بشرطِ استواری اصل ایمان کہہ کر گویا اس پر مہرِ تصدیق ثبت کردی ہے۔ معروف صوفی شاعر درویش اور صاحب طرز ادیب کم اعلیٰ بیوروکریٹ جو اتفاق سے میرے ہم نام بھی ہیں، وہ نوکری اور ملازمت کو بلکہ خدمت کو ہی اپنے لئے نیک شگون، آخرت کا زادِراہ اور بخشش کا ذریعہ گردانتے ہیں۔ یہی وجہ ہے کہ اپنی بیس بائیس سالہ سرکاری نوکری کے دوران کسی بھی جگہ انہوں نے اپنے بچے ساتھ نہیں رکھے بلکہ گاؤں ہی کے عام سکولوں میں انہیں ابتدائی تعلیم دلوائی، ٹھاٹھ باٹھ، اعلیٰ عہدوں کے کروفرجاہ وجلال کو کبھی قریب نہیں پھٹکنے دیا۔ میرا ذاتی مشاہدہ ہے کہ یہ محض ایک نام نہیں بلکہ اور بھی بے شمار اور لاتعداد نام اور سرکاری افسران ہمارے ہاں ضرور پائے جاتے ہیں لیکن سچی بات اور تلخ اور کڑوی حقیقت یہی ہے کہ ایسے افسران اور سرکاری نوکری کرنے والوں کے نام فرفر زبان پر نہیں آتے بلکہ ایسے لوگ خال خال اور کم کم ہی دکھائی دیتے ہیں اور صرف انگلیوں کی پوروں پر ہی گنے جاسکتے ہیں جو خود کو آفیسر نہیں، سرکاری نوکر بھی نہیں بلکہ صحیح معنوں میں عوام کا خادم سمجھتے ہیں اور محنت پر یقین رکھتے ہیں اور اسی جذبے کے تحت زندگی کی گاڑی کو آگے سے آگے لے جانے میں کوتاہی نہیں کرتے۔ عوام کو پہنچنے والی کسی معمولی سے معمولی تکلیف کو بھی گویا اپنی تکلیف اور درد سمجھتے ہیں مگر ایسے افسران جو عوام کی زندگیوں سے کھلواڑ کرتے ہیں ان کے طرزِعمل اور عامتہ الناّس کے ساتھ روا رکھے جانے والے رویوں کو دیکھ کر دکھ ہوتا ہے اور ہماری حیرانگی اپنی انتہا کو پہنچ جاتی ہے۔
    مذکورہ بالا تمہید میں نے وزیر توانائی میاں حماد اظہر کے اس فیصلے کے حوالے سے باندھی جس میں انہوں نے فیصل آباد الیکٹرک سپلائی کمپنی (فیسکو) کے چیف ایگزیکٹو ارشد منیر وڑائچ کو معطل کیا۔ واضح رہے کہ ”خبریں“ کو موصول ہونے والی اطلاعات کے مطابق 20 جولائی جمعرات یعنی عید سے ٹھیک ایک روز قبل سرشام بجلی کی سپلائی میں تعطل آیا اور بدقسمتی سے یہ سلسلہ اس قدر طویل ہوا کہ اگلے دن یعنی عیدالاضحی رات گیارہ بجے کے بعد بحال ہوا۔ غسل اور وضو تو ایک طرف لوگ رفع حاجت کے لیے بھی پانی کی ایک ایک بوند کے لئے ترس رہے تھے۔ مرد حضرات تو پھر بھی کہیں نہ کہیں پاکیزگی برقرار رکھ سکتے تھے لیکن ماؤں، بہنوں اور بہو، بیٹیوں کے لیے جو مشکلات پیدا ہوئیں ماسوائے کفِ افسوس ملنے کے اور کچھ نہیں کیا جاسکتا۔ ضلع کے عوام اپنے اپنے علاقوں میں قائم بجلی کی سپلائی کے ذمہ داران کو فون کرتے تو جواب ندارد۔ اگر کوئی اہلکار فون اٹھاتا تو بھی جواب ملتا خراب فیڈرز کی مرمت کا عمل جاری ہے لیکن یہ نہ بتایا جاتا کہ مرمت کا عمل مکمل کب تک ہوگا۔ قارئین کرام! فیصل آباد کے عوام شدید گرمی اور حبس کے موسم میں تڑپ رہے تھے اور فیسکو افسران بڑے اطمینان کے ساتھ عید کے مزے لوٹ رہے تھے۔
    بڑے افسوس کے ساتھ کہنا پڑتا ہے کہ ہم مقاصدِ الٰہیہ کے سچے اور حقیقی ترجمانؐ اور سرکارِ دوجہانؐ جو عالمین کے لیے رحمت ہیں، جو حاکم اعلیٰ ہونے کے باوصف محنت پر یقین رکھتے تھے اُن سے سچی اور دلی وابستگی کا اظہار تو کرتے ہیں لیکن عملاً ہماری صورتحال کیا ہے اس کا اندازہ فیسکو چیف ارشد منیر وڑائچ کی معطلی سے لگا لیجئے۔ ایسے افسران کے دل میں نہ تو خوف ِخدا دکھائی دیتا ہے اور نہ ہی ان کے دلوں میں عوام کے لئے جذبہئ تراحم پیدا ہوتا ہے۔ ان کے دلوں میں کبھی یہ احساس جاگزیں نہیں ہوا کہ ہمیں ملنے والی بے تحاشا سہولیات اور مراعات، لگژری گاڑیاں، موسموں کی شدت اور حدت کے مطابق دفاتر بہت بڑی بڑی تنخواہوں اور مشاہرے، ٹی ایز، ڈی ایز اور ماتحت ملازمین کی فوج ظفر موج عوام اپنا خون اور پسینہ ایک کرتے ہیں تب انہیں ملتی ہے۔ اعلیٰ سرکاری افسران اور ارشد منیر وڑائچ کے پائے کے افسران کو حاصل سہولیات کو دیکھ کر اندازہ نہیں ہوتا کہ ہمارا ملک ترقی پذیر ممالک میں شامل ہے بلکہ اس کے افسران ترقی یافتہ اور معاشی استحکام کے اعتبار سے متمّول معاشروں کے افسران سے مماثل دکھائی دیتے ہیں۔ لیکن قارئین کرام! میرا تاثر بلکہ سوال ہے کہ کیا فیسکو چیف کی معطلی سے مسائل حل ہوجائیں گے۔ نہیں بالکل بھی نہیں۔ ہرگز ہرگز نہیں۔ یہ آج معطل ہوئے اسی طرح بیک جنبش قلم بحال بھی ہوجائیں گے۔ یہ سزا بہت کم ہے۔ تھوڑی ہے بلکہ قلیل ہے۔ ایسے افسران کی دس پندرہ سالہ سروس ضبط کرنے کے ساتھ ساتھ ان کو کم ازکم دو تین سال تک پوسٹنگ ہی نہیں دینی چاہیے لیکن ہماری حالت کیا ہے۔ ہم نے ارشد منیر کو معطل کرکے ان کی جگہ لیسکو کے چیف انجینئر بشیر گجر کو قائم مقام چیف ایگزیکٹو فیسکو مقرر کردیا ہے جس کا میرے نزدیک مطلب اس کے سوا اور کوئی نہیں کہ ہمارے پاس قابل اور لائق افسران کی نمایاں حد تک کمی ہے۔ ان کی جگہ لگایا بھی ہے تو نہ صرف ایک دوسری کمپنی کے چیف انجینئر کو بلکہ وہ بھی جونیئر افسر کو۔ ہم لوگ جو صوبائی دارالحکومت میں رہنے کا اعزاز رکھتے ہیں یہاں بھی حالت یہ ہے کہ ٹرانسفارمر خراب ہوجائے تو وہ بھی بعض اوقات سترہ سترہ، اٹھارہ اٹھارہ گھنٹے درست ہونے میں نہیں آتا اور اس کے ذمہ دار ایک دو افسران نہیں بلکہ لیسکو چیف سے لیکر نیچے لائن مین تک براہِ راست ہوتے ہیں لیکن جوابدہی کے نظام کے فقدان کے باعث یہ لوگ سزا کے عمل سے محفوظ رہتے ہیں۔ دوردراز کے علاقوں میں تو لائن سپرنٹنڈنٹ کیا لائن مین بھی ظالمانہ کردارادا کرتے ہیں۔ قدم قدم پر رشوت کا چلن عام ہے۔ ان کے اثاثے ان کے شاہانہ ٹھاٹھ بلکہ درونِ پردہ ان کے چھپ چھپا کر کیے جانے والے کاروبار دیکھ کر آنکھیں کھلی کی کھلی رہ جاتی ہیں۔ لائن لاسز اور بجلی چوری بھی انہی کی آشیرباد سے ممکن ہوتی ہے جن کا افسران بالا کو بھی علم ہوتا ہے اور انہیں گھر بیٹھے بٹھائے حصہ بقدرِجثہ مل جاتا ہے۔ وزیراعظم عمران خان اکثر کام چور افسران کو الٹا لٹکا دینے کی باتیں کرتے ہیں جبکہ ایسے ٹیسٹ کیسز روزانہ کی بنیادوں پر دیکھنے کو ملتے ہیں۔ ہم سمجھتے ہیں کہ اسی طرح روزانہ کی بنیادوں پر سامنے آنے والے کیسز کے فیصلے بھی اسی سرعت کے ساتھ سامنے آنے چاہئیں جس طرح فیسکو چیف ارشد منیر وڑائچ کی معطلی کا فیصلہ سامنے آیا ہے۔
    (کالم نگار سیاسی‘سماجی اورمعاشرتی موضوعات پرلکھتے ہیں)
    ٭……٭……٭

    Daily Khabrain

      Keep Reading

      ہاکی کھلاڑیوں کو یومیہ 110ڈالر دیے جا رہے ہیں: صدر پی ایچ ایف

      کیا یہ واقعی عوام دوست بجٹ ہے یا صرف اعداد و شمار کا کھیل؟

      فیفا ورلڈ کپ، 48 ٹیمیں ایک خواب

      تازہ ترین

      نائن الیون کے بعد امریکی فضائی آپریشن کو سب سے بڑا دھچکا سے زائد پروازیں معطل

      سعودیہ جانیوالے مسافروں کیلئے لازمی ویکسی نیشن کی مدت میں ایک ماہ کی توسیع

      پانی ہماری ریڈلائن، روکنے کی کوئی بھی کوشش جنگی اقدام تصور ہوگی: وزیراعظم شہباز شریف

      سعودی عرب پر حملہ پوری امت مسلمہ کے لیے لمحہ فکریہ ہے، فضل الرحمان

      باجوڑ میں موبائل سروس و انٹرنیٹ بند شہریوں کو مشکلات کا سامنا

      Khabrain Group Pakistan
      Facebook X (Twitter) Instagram
      • کالم
      • صحت
      • دلچسپ و عجیب
      • سائنس و ٹیکنالوجی
      • بزنس
      • شوبز
      • کھیل
      • انٹر نیشنل
      • پاکستان
      © 2026 Khabrain Designed by Muhammad Rashid

      Type above and press Enter to search. Press Esc to cancel.