کراچی: (ویب ڈیسک) ملک بھر میں سونے کی فی تولہ قیمت میں کمی کا سلسلہ جاری ہے۔
صرافہ ایسوسی ایشن کے مطابق بین الاقوامی مارکیٹ میں فی اونس سونے کے بھاؤ میں 8 ڈالر کمی ریکارڈ کی گئی اور نئی قیمت 1792 ڈالر فی اونس ہو گئی ہے۔
اُدھر بین الاقوامی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر سمیت دیگر جگہوں پر فی تولہ سونے کی قیمت میں 50 روپے کمی ریکارڈ کی گئی اور نئی قیمت ایک لاکھ 26 ہزار 100 روپے ہو گئی۔
10 گرام سونے کی قدر 43 روپے کم ہوکر ایک لاکھ 8 ہزار 110 روپے ہے۔
