ضابطہ اخلاق کی تیاری اور ردوبدل الیکشن کمیشن کا اختیار قرار

اسلام آباد: (ویب ڈیسک) الیکشنز ترمیمی آرڈیننس کے معاملے پر الیکشن کمیشن نے کہا ہے کہ ضابطہ اخلاق کی تیاری اور ردوبدل الیکشن کمیشن کا اختیار ہے اور اس بارے حکومت کو تحریری طور پر موقف سے آگاہ کیا جائےگا۔
ذرائع کے مطابق الیکشن کمیشن کا غیر رسمی اجلاس ہوا جس میں الیکشنز ترمیمی آرڈیننس پر غور کیا گیا۔
الیکشنز ترمیمی آرڈیننس پر الیکشن کمیشن آف پاکستان کے تحفظات برقرار ہیں، الیکشن کمیشن نے فیصلہ کیا ہے کہ آرڈیننس پر وفاقی حکومت کو خط لکھ کر آئینی وقانونی صورتحال سے آگاہ کیا جائے گا۔
اجلاس میں اس بات پر بھی اتفاق کیا گیا کہ ضابطہ اخلاق کی تیاری اور ردوبدل الیکشن کمیشن کا اختیار ہے، آئین کے آرٹیکل 222 کے تحت الیکشن کمیشن کے اختیارت ختم نہیں کئے جاسکتے۔