لاہور: (ویب ڈیسک) پاکستان سپر لیگ (پی ایس ایل) کے ساتویں ایڈیشن کے پہلے ایلمینیٹر میچ میں اسلام آباد یونائیٹڈ کی ٹیم ایلمینیٹر 2 میں داخل ہوگئی اور پشاور زلمی ایونٹ سے باہر ہوگئی۔
لاہور کے قذافی سٹیڈیم میں پی ایس ایل 7 کا ایلیمینٹر مرحلہ شروع ہوچکا ہے جس کے پہلے میچ میں پشاور زلمی کے کپتان وہاب ریاض نے ٹاس جیت کر اسلام آباد یونائیٹڈ کے شاداب خان کو پہلے فیلڈنگ کی دعوت دی تھی۔
زلمی کی جانب سے کامران اکمل اور محمد حارث نے اننگز کا آغاز کیا۔
کامران اکمل 58، محمد حارث 12، یاسر خان 8، اور حسین طلعت 28 اور شعیب ملک 55 رنز بناکر آؤٹ ہوئے۔
اسلام آباد یونائیٹڈ کے حسن علی نے 3، شاداب خان اور فہیم اشرف نے 1،1 وکٹ اپنے نام کی۔
اس طرح پشاور زلمی کی ٹیم نے مقررہ 20 اوورز میں 5 وکٹ کے نقصان پر 169 رنز بنائے۔
اسلام آباد کی جانب سے ایلکس ہیلز نے 62، اعظم خان نے 28 اور شاداب خان نے 22 رنز کی اننگز کھیلی۔
پشاور زلمی کی جانب سے سلمان ارشاد نے تین جب کہ بینی ہاول نے ایک کھلاڑی کو آؤٹ کیا۔
پی ایس ایل فائنل میں رسائی کے لیے دوسرا ایلیمینٹر کل کھیلا جائے گا جس میں لاہور قلندرز اور اسلام آباد یونائیٹڈ کی ٹیمیں مدمقابل آئیں گی۔
