اسلام آباد: (ویب ڈیسک) جمعیت علمائے اسلام ف کے سربراہ مولانا فضل الرحمان نے گرفتاری دینے کا اعلان کر دیا۔
مولانا فضل الرحمان بھی پارلیمنٹ لاجز پہنچ گئے ہیں جہاں پولیس کی جانب سے انصار الاسلام کے ارکان کے خلاف آپریشن جاری ہے۔
جے یو آئی کی ٹوئٹ کے مطابق مولانا فضل الرحمان نے تمام پارٹی ارکان کو پارلیمنٹ لاجز پہنچنے کی ہدایت کی ہے۔
پارلیمنٹ لاجز پہنچنے پر صحافیوں سے گفتگو کرتے ہوئے انہوں نے کہا کہ ہم اسلام آباد پولیس کی دہشتگردی کو نہیں مانتے۔
انہوں نے کہا کہ میں اپنے دوستوں کے ہمراہ گرفتاریاں پیش کروں گا۔ تمام روڈ بند کر دیں۔ تمام کارکن گھروں سے باہر نکل آئیں۔
