کراچی: (ویب ڈیسک) نائب صدر پاکستان پیپلزپارٹی شیری رحمان نے کہا ہے کہ بجلی کے بعد پٹرول کی قیمتوں پر بھی یوٹرن لیا جائے گا، حکومت کے تمام ریلیف پیکج جھوٹ پر مبنی ہیں۔
اپنے ٹویٹ میں شیری رحمان کا کہنا ہے کہ عوامی مارچ کے دباؤ میں پٹرول اور بجلی کی قیمتوں میں اضافہ نہ کرنے کا اعلان کیا گیا تھا اب حکومت نے ماہانہ فیول ایڈجسٹمنٹ کی مد میں بجلی کی قیمت پانچ اعشاریہ نو چار روپے مہنگی کرنے کا اعلان کیا گیا ہے۔
انہوں نے کہا کہ اس اضافے سے صارفین پر اٹھاون ارب روپے کا اضافی بوجھ پڑے گا۔ اس حکومت میں ریلیف صرف امیروں کو ملا ہے۔
