لاہور: (ویب ڈیسک) مور کا شمار انتہائی خوبصورت پرندوں میں کیا جاتا ہے، یہ 11 مختلف آوازیں نکالتا اور سانپ کو مارنے میں خاص مہارت رکھتا ہے۔
میڈیا رپورٹ کے مطابق مور کی آواز کو دوسرے پرندوں کی طرح سریلی آوازوں میں شامل نہیں کیا جاتا بلکہ اس کی آواز کو ناخوشگوار اور چیخنے والی آوازیں کہا جاتا ہے جبکہ اسے اکثر اونچی آواز والی مخلوق بھی سمجھا جاتا ہے۔
پیدائش کے وقت مور کی دم نہیں ہوتی جس کی وجہ سے نر اور مادہ مور ایک جیسے دکھائی دیتے ہیں، جب مور 3 ماہ کے ہو جاتے ہیں تو ان کے جسم پر خوبصورت پر آنا شروع ہو جاتے ہیں۔ سانپ کو مور اپنا دشمن مانتا ہے، یہ حیرت انگیز انداز میں سانپ کو قابو کر کے نہ صرف مار ڈالتا ہے بلکہ کھا بھی جاتا ہے۔
