اسلام آباد: (ویب ڈیسک) شیری رحمان کا کہنا ہے کہ اسپیکر کی غیر آئینی رولنگ کا معاملہ نیشنل سکیورٹی رسک بنا دیا گیا، آپ کی سفارتکاروں سے ملاقاتیں غداری نہیں تو 197 لوگ غدار کیسے ہوگئے۔
پاکستان پیپلزپارٹی کی رہنما شیری رحمان نے اسلام آباد میں میڈیا سے گفتگو کرتے ہوئے کہا کہ عمران خان ملک کیلئے سکیورٹی رسک ہیں، حکومت کیخلاف سازش ہوئی تو امریکا سے معافی کیوں نہیں منگوائی، یہ تحریک انصاف نہیں تحریک انتشار ہے۔ انہوں نے کہا کہ ہم نے امریکا سے آنکھوں میں آنکھیں ڈال کر بات کی، نیٹو سپلائی معطل کی، ہم نے اپنی ذات کو بچانے کیلئے پاکستان کو آگ میں نہیں جھونکا، پاکستان کی خاطر پیپلزپارٹی صف اول میں کھڑی رہی، پاکستان کو دو بڑی طاقتوں کے درمیان میں جھونک دیا گیا۔
