اسلام آباد: (ویب ڈیسک) وزیراعظم شہباز شریف لیگی قائد نوازشریف سے ملاقات کیلئے لندن چلے گئے، احسن اقبال، مفتاح اسماعیل، ایاز صادق، مریم اورنگزیب بھی ہمراہ ہیں۔ وزیراعظم برٹش ایئرویز کی پرواز بی اے2260 کے ذریعے رات 12 بج کر 40 منٹ پر لندن روانہ ہوئے۔ وفاقی وزیرداخلہ رانا ثناء اللہ، مریم اورنگزیب، ایاز صادق اور مفتاح اسماعیل بھی لندن ہمراہ روانہ ہوئے۔ وزارت ہوا بازی کی جانب سے اسلام آباد ایئرپورٹ کے سٹیٹ لاؤنج میں خصوصی انتظامات کرنے کی ہدایت کی گئی تھی۔ اعلی سطحی وفد نے اسلام آباد سے لندن روانہ ہونے کے لیے چائینہ گیٹ استمال کیا۔ روانگی کے موقع پر اے ایس ایف کی بھاری نفری اسلام آباد ایئرپورٹ پر تعینات رہی۔
