نیویارک (نیٹ نیوز) اسامہ بن لادن کے ایبٹ آباد کمپاﺅنڈ سے برآمد ہونے والی فائلوں میں ایک لیٹر ملا ہے جس میں انکشاف کیا گیا ہے کہ 2010ءکے عرصہ کے دوران وزیراعلیٰ پنجاب شہباز شریف ٹی ٹی پی تحریک طالبان پاکستان کے ساتھ ایسا معاہدہ کرنا چاہتے تھے۔ ”لانگ وار جرنل“ کی رپورٹ میں کہا گیا ہے کہ یہ فاعلیں دہشت گرد عابد نصیر کے بروکلین کی چوری کے زیر سماعت کیس میں بھی سامنے لائی گئیں۔ ایک فائل اس لیٹر پر مشتمل ہے جو القاعدہ کے جنرل منیجر عابد الرحمان نے لکھا تھا۔ رحمان کے ایک خط کے مطابق جو جولائی 2010ءمیں لکھا گیا اسامہ کو آگاہ کیا گیا کہ شہباز شریف ٹی ٹی پی کے ساتھ ڈیل کرنے کے خواہاں تھے۔ حکومت پاکستان طالبان سے مشروط معمول کے تعلقات دوبارہ قائم کرنا چاہتی تھی۔ اس ضمن میں پنجاب میں کارروائی روکنے کی شرط عائد کی گئی تھی۔ رپورٹ میں مزید کہا گیا کہ شہباز شریف نے عسکری گروپ کے ساتھ بات چیت کا آغاز بھی کیا۔ حکیم اللہ محسود، قاری حسین کو باقاعدہ پیغام بھجوایا گیا جس میں بات چیت کی خواہش ظاہر کی گئی۔ رپورٹ میں کہا گیا کہ اسامہ کے خاص نمائندہ نے اپنا پیغام بھجوایا۔ انہوں نے اس سلسلہ میں حقانی نیٹ ورک کے سراج حقانی پر انحصار کیا۔ رپورٹ کے مطابق انٹیلی جنس ایجنسی نے مولانا فضل الرحمان خلیل کی حرکت المجاہدین کو القاعدہ کو خط بھجوانے کیلئے استعمال کیا۔ رپورٹ کے مطابق جنرل شجاع پاشا سمیت انٹیلی جنس عہدیداروں کا خط موصول ہوا۔ انہوں نے بات چیت کی خواہش کا اظہار کیا۔ آئی ایس آئی سے دوبارہ القاعدہ سے رابطہ کیا اور اس شخص کو بھجوایا جس نے پہلی بار پیغام رساں کا کردار ادا کیا تھا۔ یہ امر حیران کن ہے کہ حمید گل بات چیت کیلئے آئے جبکہ فضل الرحمان خلیل کی حیثیت سے شریک ہوئے۔ حمید گل نے اس موقع پر کہا کہ ہمارے ساتھ ذرا صبر سے کام لیں۔ القاعدہ کا رویہ محتاط تھا لیکن وہ ڈیل کرنا چاہتے تھے۔
