لاہور (ویب ڈیسک)پنجاب کے دونوں وزرائے صحت کی طبیعت ناساز ہو گئی جس کے باعث وہ وزیر اعلیٰ کی طرف سے ترک وفد کے اعزاز میں دئیے گئے ناشتہ کی تقریب میں شریک نہ ہو سکے۔نجی ٹی وی کے مطابق کا م کی زیادتی کی وجہ سے صوبائی وزیر سپیشلائزڈ ہیلتھ و میڈیکل ایجوکیشن خواجہ سلمان رفیق اور صوبائی وزیر پرائمری ہیلتھ کیئر خواجہ عمران نذیر کی طبیعت ناساز ہو گئی ہے جس کے باعث دونوں نے وزیر اعلیٰ پنجاب سے ایک دن کی رخصت لی ۔بتایا گیا ہے کہ اسی وجہ سے دونوں وزراءصحت وزیر اعلیٰ پنجاب شہباز شریف کی جانب سے ترک وفد کے اعزاز میں دئیے گئے نا شتہ کی تقریب میں بھی شریک نہ ہوئے ۔
