شاہینوں کا پرتھ میں پڑاؤ، زمبابوے کیخلاف میچ کیلئے پریکٹس

پرتھ: (ویب ڈیسک) قومی ٹیم ٹی 20 ورلڈکپ کے دوسرے مقابلے کے لیے پرتھ میں موجود ہے جہاں ٹیم کا ٹریننگ سیشن ہوا، ٹریننگ سیشن کے دوران پاکستان کرکٹ ٹیم نے نیٹس پر بیٹنگ اور باؤلنگ کی مشقیں کیں۔
پریکٹس کے دوران مڈل آرڈر بلے باز افتخار احمد نے ریورس سوئپ اور پاوور ہٹنگ کی پریکٹس کی جبکہ قومی ٹیم کے کپتان بابر اعظم نے ماربل سلیب لگا کر بیٹنگ کی پریکٹس کی۔
دریں اثںاء پاکستانی کرکٹرز نے پرتھ میں بچوں کے لیے منعقد کیے گئے کوچنگ کلینک میں بھی شرکت کی، کوچنگ کلینک میں عثمان قادر، شاہنواز دھانی، شان مسعود، حارث رؤف، شاہین شاہ آفریدی اور قومی ٹیم کے کپتان بابر اعظم شریک ہوئے۔
کلینک کے دوران قومی کرکٹرز نے بچوں کے ساتھ کرکٹ کھیلی اور ٹپس بھی دیں، کرکٹ کوچنگ کلینک آئی سی سی کے کرکٹ فار گڈ پروگرام کا حصہ ہے۔