پرتھ : (ویب ڈیسک) قومی کرکٹر افتخار احمد نے اپنا آئیڈیل مصباح الحق کو قرار دے دیا، کہا ان کی طرح کھیلنے کی کوشش کرتا ہوں۔
پرتھ میں بات کرتے ہوئے افتخار احمد نے کہا کہ بھارت سے ہارنے کے بعد مایوسی ہوئی تھی مگر کپتان اور مینجمنٹ نے ہمیں اعتماد دیا، بھارت سے شکست کو بھلا کر زمبابوے سے جیت کا عزم لیکر میدان میں اتریں گے۔
انہوں نے کہا کہ مڈل آرڈر بھی بھرپور تیاری کررہے ہیں اورجیت میں کردار ادا کرنے کے خواہشمند ہیں، مصباح الحق میرے آئیڈیل ہیں اور ان کی طرح کھیلنے کی کوشش کرتا ہوں۔
واضح رہے پرتھ میں قومی اسکواڈ کا اسٹیڈیم میں ٹریننگ سیشن جاری ہے، جہاں وہ ٹی ٹوئنٹی ورلڈ کپ میں اپنے دوسرے میچ میں ذمبابوے کے خلاف میدان میں اتریں گے۔
پریکٹس سیشن میں کپتان بابراعظم، محمد رضوان، شاہنوازدھانی سمیت خوشدل شاہ، محمدحسنین، محمد حارث، فخرزمان نے شرکت کی جبکہ کرکٹرعثمان قادربھی آپشنل سیشن میں شریک ہوئے۔
