ریاض: (ویب ڈیسک) سعودی وزیر توانائی شہزادہ عبدالعزیز بن سلمان نے مملکت کے مشرقی ریجن میں دو نئی گیس فیلڈز کی دریافت کا اعلان کیا ہے۔ شہزادہ عبدالعزیز بن سلمان نے کہا کہ سعودی آرامکو نے مملکت کے مشرقی ریجن میں قدرتی گیس کی غیر روایتی دو فیلڈز کی دریافت میں کامیابی حاصل کی ہے، “اوتاد” گیس فیلڈ کو الغوار فیلڈ کے جنوب مغرب جبکہ “الدھنا” فیلڈ ظہران شہر سے 230 کلومیٹر جنوب مغرب میں واقع ہے۔ شہزادہ عبدالعزیز بن سلمان نے کہا کہ قدرتی گیس کی دو نئی فیلڈز کی دریافت اہم ہیں، اس سے سعودی عرب کی قدرتی گیس کے ذخائر کی پوزیشن مضبوط ہوگی۔
