راولپنڈی: (ویب ڈیسک) پاکستان کے خلاف پنڈی ٹیسٹ کی پہلی اننگز میں 153 رنز کی شاندار اننگز کھیلنے والے انگلش بیٹر ہیری بروک کا کہنا ہے کہ راولپنڈی ٹیسٹ اچھا جا رہا ہے،ٹیسٹ کرکٹ میں سنچری کا خواب پورا ہوگیا۔
دوسرے روز کھیل کے اختتام کے بعد پریس کانفرنس کرتے ہوئے انگلش بیٹر ہیری بروک نے کہا کہ راولپنڈی ٹیسٹ اچھا جا رہا ہے،ٹیسٹ کرکٹ میں سنچری کا خواب پورا ہوگیا۔
انہوں نے کہا کہ انگلینڈ نے دونوں دن کئی ریکارڈز توڑے،پریشر بالکل محسوس نہیں ہوا،مزید بہتر کھیل پیش کریں گے۔
ہیری بروک کا کہنا تھاکہ اچھے وقت پر اچھا فیصلہ ہی ٹیم کے لیے فائدہ مند ہوتا ہے،انہوں نے مزید کہا کہ میں راولپنڈی ٹیسٹ جیسی پچ پر پہلے کبھی نہیں کھیلا اور نہیں لگتا کہ مجھے اس پچ پردوبارہ کھیلنے کا موقع ملے گا۔
