صحافی جمال خاشفجی قتل کیس: سعودی ولی عہد کے خلاف مقدمہ خارج

واشنگٹن: (ویب ڈیسک) امریکا کی عدالت نے سعودی ولی عہد محمد بن سلمان کے خلاف صحافی جمال خاشقجی قتل کا مقدمہ خارج کر دیا۔
غیرملکی میڈیا کے مطابق جمال خاشقجی قتل کیس میں واشنگٹن کے فیڈرل جج نے امریکی حکومت کے اس موقف کو تسلیم کیا کہ سعودی ولی عہد محمد بن سلمان جنہیں ستمبر میں سعودی عرب کا وزیراعظم نامزد کیا گیا تھا بطور غیرملکی سربراہ امریکی عدالتوں میں استثنیٰ حاصل ہے۔
فیڈرل جج کا کہنا تھا کہ صحافی جمال خاشقجی کی بیوہ نے سعودی ولی عہد کے قتل میں ملوث ہونے کے حق میں موثر دلائل دیئے تاہم ان کے پاس امریکی حکومت کا موقف رد کرنے کے اختیارات نہیں۔
امریکا میں مقیم سعودی صحافی جمال خاشقجی کو 2018 میں ترکی کے شہر استنبول میں سعودی قونصلیٹ میں قتل کردیا گیا تھا۔
یاد رہے کہ سعودی صحافی جمال خاشقجی کو 2018 میں ترکیہ کے شہر استنبول میں واقع سعودی سفارت خانے میں قتل کیا گیا تھا اور سعودی صحافی جمال خاشقجی کے قتل کیس کو ان کی منگیتر نے عدالت میں چیلنج کیا تھا۔
برطانوی میڈیا کا کہنا ہے کہ جمال خاشقجی کیس خارج کئے جانے کے بعد سعودی ولی عہد اب آزادانہ امریکا جا سکیں گے۔