اسلام آباد: (ویب ڈیسک) پاکستان تحریک انصاف نے اسلام آباد میں بلدیاتی الیکشن کل کرانے کے عدالتی فیصلے کو خوش آئند قرار دے دیا۔
اسلام آباد ہائیکورٹ کے ایک رکنی بینچ نے الیکشن کمیشن کو کل (31 دسمبر) کو وفاقی دارالحکومت اسلام آباد میں شیڈول کے مطابق بلدیاتی انتخابات کرانے کا حکم دیا ہے۔
وفاق میں اپوزیشن جماعت پاکستان تحریک انصاف نے اسلام آباد میں بلدیاتی الیکشن کل کرانے کے عدالتی فیصلے کو خوش آئند قرار دے دیا۔
اسلام آباد ہائیکورٹ کے فیصلے کے بعد گفتگو کرتے ہوئے شاہ محمود قریشی نے کہا کہ حکومت اورالیکشن کمیشن نے ملی بھگت سے انتخابات سے فرار کا منصوبہ بنایاتھا جو ناکامی سے دو چار ہوا ہے۔
