ایم کیو ایم پاکستان کی رابطہ کمیٹی کا اہم اجلاس؛ بڑے فیصلوں کا امکان

کراچی: (ویب ڈیسک) متحدہ قومی موومنٹ (ایم کیو ایم) پاکستان نے کراچی کی حلقہ بندیوں کے معاملے پر رابطہ کمیٹی کے علاوہ بھی ایم کیو ایم قیادت کا ایک اور اہم اجلاس جاری ہے جس میں بڑے فیصلوں کا امکان ظاہر کیا جارہا ہے۔
اس حوالے سے ذرائع نے بتایا کہ اجلاس میں خالد مقبول صدیقی، وسیم اختر، مصطفی کمال، خواجہ اظہار الحسن سمیت دیگر رہنما موجود ہیں اور اجلاس ختم ہونے تک تمام رہنماؤں کو بہادرآباد پہنچنے کی ہدایت کردی گئی ہے۔
ذرائع نے بتایا کہ بہادر آباد میں ایک فل کورم اجلاس ہوگا جس میں پارٹی کنوینر مقبول صدیقی کی جانب سے اہم اعلانات متوقع ہیں، اہم رہنمائوں کے اجلاس میں تحفظات، حلقہ بندیاں اور ایم کیو ایم کے آخری آپشنز بھی زیر بحث آئیں گے۔
علاوہ ازیں ذرائع کا کہنا تھا کہ ایم کیو ایم نے تمام علاقائی ذمہ داران کو فوری طور پر بہادر آباد طلب کرلیا، ایم کیو ایم کے ذمہ داران قیادت کے فیصلہ کا انتظار کر رہےہیں۔
واضح رہے کہ ایم کیو ایم پاکستان نے حلقہ بندیوں پر اعتراض کیا تھا جس کے بعد پیپلز پارٹی سے مختلف اوقات میں اپنے تحفظات کرتے رہے بعدازاں بلدیاتی انتخابات کی تاریخ قریب آنے پر ایم کیو ایم نے پیپلز پارٹی کے رویہ سے مایوس ہو کر وفاقی حکومت سے علیحدہ ہونے کی دھمکی دی تھی۔
جس کے بعد وزیراعظم شہباز شریف سمیت آصف علی زرداری اور مولانا فضل الرحمان نے خالد مقبول صدیقی سے فون پر رابطہ کرکے تمام تحفظات دور کرنے کی یقینی کرائی تھی۔ اس ضمن میں 13 اور 14 جنوری کی درمیانی رات تک اجلاس ہوتے ہیں اور آخری اجلاس گورنر ہاؤس میں ہوا جس میں کیو ایم کیو کی قیادت نے کامران خان ٹیسوری سے ملاقات کی جہاں گورنر سندھ نے آصف علی زرداری کو پیغام ایم کیو ایم قیادت کے سامنے رکھا تھا۔