واشنگٹن(ویب ڈیسک)امریکی محکمہ دفاع نے انتہاپسند گروپ داعش کو شکست دینے کے لیے ایک نیا منصوبہ تیار کیا ہے۔غیرملکی خبررساں ادارے کے مطابق ایک امریکی اہلکار نے بتایاکہ صدر ڈونلڈ ٹرمپ نے ملکی اعلی حکام سے کہا تھا کہ وہ شام اور عراق میں سرگرم اس گروپ کے خاتمے کے لیے اضافی طریقہ کار تیار کریں، یہ منصوبہ وائٹ ہاو¿س کو مل گیا ہے۔ صدر ٹرمپ کی انتخابی مہم کا ایک اہم نقطہ یہی تھا کہ اگر وہ اقتدار میں آئے تو وہ داعش کے خاتمے کی ہر ممکن کوشش کریں گے، نام ظاہر نہ کرنے کی شرط نے امریکی اہلکار نے بتایا کہ وائٹ ہاو¿س اب ان تجاویز کا جائزہ لے گا۔
