راولپنڈی: (ویب ڈیسک) پاکستان اور نیوزی لینڈ کے درمیان سیریز کے چوتھے ٹی 20 میچ کو بارش کے باعث منسوخ کردیا گیا۔
نیوزی لینڈ کی ٹیم نےپہلے بیٹنگ کرتے ہوئے 18.5 اوورز میں 5 وکٹوں کے نقصان پر 164 رنز بنائے، مارک چیمپن 71 رنز کی جارحانہ اننگز کے ساتھ ناٹ آؤٹ رہے جبکہ ٹام لیتھم 13، ول ینگ 6 اور ڈیرل مچل 3 رنز بنا کر آؤٹ ہوئے جبکہ چیڈ باؤس نے 54 رنز کی اننگز کھیلی۔
پاکستان کی جانب سے عماد وسیم نے 3، شاہین شاہ آفریدی اور حارث رؤف نے ایک ایک وکٹ حاصل کی۔
قبل ازیں پاکستان اور نیوزی لینڈ کے درمیان ٹی 20 سیریز کے چوتھے اور راولپنڈی میں ہونیوالے پہلے میچ میں قومی کرکٹ ٹیم کے کپتان بابر اعظم نے ٹاس جیت کر مہمان ٹیم کو بیٹنگ کی دعوت دے دی تھی۔
واضح رہے کہ پاکستان کو 5 میچز کی سیریز میں قومی ٹیم کو دو ایک کی برتری حاصل ہے۔
