مشیگن، امریکا: حال ہی میں ہونے والی ایک تحقیق میں پایا گیا ہے فالج زدہ افراد کی دیکھ بھال کرنے والوں میں ذہنی تناؤ یا ڈپریشن کی کیفیات عام ہیں۔
نیورولوجی نامی میں شائع ہونے والی تحقیق میں بتایا گیا ہے کہ فالج زدہ افراد کی دیکھ بھال کرنے والے تقریباً 30 فیصد افراد مریض کی اسپتال سے چھٹی ہونے کے بعد پہلے سال کے دوران تناؤ اور جذباتی مسائل کا سامنا کرتے ہیں۔
مشی گن میڈیکل اسکول میں نیورولوجی، نیورو سرجری اور ایمرجنسی میڈیسن کے پروفیسر ڈاکٹر لیوس مورگنسٹارن کا کہنا تھا کہ ڈپریشن، اضطراب اور تناؤ بالخصوص ان خاندان کے افراد میں عام ہے جو اپنے شدید بیماری میں مبتلا عزیزوں کی زندگی اور موت کا فیصلہ کرتے ہیں۔
انہوں نے مزید کہا کہ بطور ڈاکٹر ہم عام طور پر اپنے مریضوں پر توجہ مرکوز کرتے ہیں جبکہ ہمیں مریضوں کی دیکھ بھال کرنے والوں کی صحت پر بھی توجہ دینی چاہیے۔
