پنجاب بھر کے غیر رسمی اسکولوں میں موسم سرما کی تعطیلات نئے سال کے آغاز سے شروع ہوں گی۔
محکمہ تعلیم کی جانب سے جاری نوٹیفکیشن کے مطابق صوبے کے تمام غیر رسمی اسکولوں میں یکم جنوری سے 10 جنوری تک موسم سرما کی تعطیلات ہوں گی۔
تمام غیر رسمی اداروں کو ہدایت کی گئی ہے کہ وہ موسم سرما کی تعطیلات سے متعلق نوٹیفکیشن پر عمل کریں اور 11 جنوری سے تدریسی عمل کا دوبارہ آغاز کریں۔
یہ بھی پڑھیں: خیبرپختونخوا میں سرکاری اسکولوں کیلئے موسم سرما کی تعطیلات کا اعلان
دوسری جانب پنجاب کے تمام تعلیمی اداروں کی تعطیلات میں توسیع کی خبریں بھی سامنے آئی تھیں تاہم محکمہ اسکول ایجوکیشن کی جانب سے ابھی تک کوئی نوٹیفکیشن جاری نہیں ہوا ہے۔
