لاہور( خصوصی رپورٹ)حکومت نے نوجوانوں کے لئے وزیراعظم کے تربیتی پروگرام کے تحت پورے ملک اور آزاد کشمیر میں بے روزگار نوجوانوں کو پچاس ہزار انٹرن شپ دینے کا اعلان کر دیا۔سرکاری ریڈیو کے مطابق نیشنل انٹرن شپ پروگرام کے حکام کے مطابق 25 سال تک کی عمر کے تمام بیروزگار اور نئے اور پرانے پوسٹ گریجویٹس جن کے نمبرپچاس فیصد ہیں وہ اس مہینے کی 15 تاریخ تک اس پروگرام کیلئے درخواست دے سکتے ہیں۔سکیم کا مقصد منتخب انٹرنیز کی کسی سرکاری یا نجی ادارے میں ایک سالہ تربیت کے دوران ان کی مہارت میں اضافہ کرنا ہے۔پروگرام میں خصوصاً خیبرپختونخوا ہ اور وفاق کے زیرانتظام قبائلی علاقو ں کے طلبہ بڑے پیمانے پر دلچسپی ظاہر کررہے ہیں کیونکہ وہ اسے اپنی مہارت میں اضافے اور روزگار کیلئے شاندار مواقع تصور کرتے ہیں۔
