پشاور (این این آئی) وزیر اعظم کے مشیر برائے ہوا بازی سردار مہتاب احمد خان نے کہا ہے کہ قومی ائیر لائن کی نجکاری نہیں ہورہی ہیں۔کرپٹ لوگوں کا احتساب کرکے ادارے کر دوبارہ آسمان پر پہنچائیں گے ۔ سردار مہتاب کا پشاور ائیر پورٹ میڈیا سے گفت گو میں کہنا تھا کہ ادارے کو چھبیس ارب روپے خسارے کا سامنا ہے ۔ان کا کہنا تھا کہ کالے بکروں کے صدقے کی نہیں بلکہ ادارے میں موجود کالی بھیڑوں کی قربانی کی ضرورت ہے۔انہوں نے کہا کہ پی آئی اے کی بہتری کے لیے کارپوریٹ کلچر متعارف کررہے ہیں ۔مجھے وزیراعظم نے قومی ائیر لائن کو بہترکرنے کی ذمہ داری سونپی ہیں انہوں نے کہا کہ ہوابازی کاشعبہ ریڑھ کی ہڈھی کی حیثیت رکھتا ہے۔ باچا خان ائیرپورٹ میں تین ارب روپے لاگت سے اپ گریڈیشن جاری ہے۔ مشیر ہوا بازی نے کہا کہ چھ نئے طیارے لیز کئے جارہے ہیں جسے جلد قومی ائیر میں شامل کیا جائے گا۔
