بنگلادیش کے فاسٹ بولر شوریفل اسلام کا کہنا ہے کہ بابراعظم کی وکٹ لینا خواب ہے۔
بنگلادیشی فاسٹ بولر شوریفل اسلام نے قذافی سٹیڈیم میں پریس کانفرنس سے گفتگو کرتے ہوئے کہا کہ پاکستان کرکٹ ٹیم کی بیٹنگ لائن فرسٹ کلاس ہے، بابراعظم ہمارے لیے مشکل ترین بلے باز ہیں۔
انہوں نے کہا کہ پاکستان کرکٹ بورڈ (پی سی بی) کے شکر گزار ہیں کہ انہوں نے ہمارے لیے بہترین انتظامات کیے، ہماری تیاری اچھی ہے، پاکستان سے مقابلہ اچھا ہوگا۔
فاسٹ بولر نے کہا کہ ہم پاکستان میں زیادہ کرکٹ نہیں کھیلے، اس لیے راولپنڈی کی کنڈیشنز کا علم نہیں البتہ کوشش کریں گے بہتریں کرکٹ کھیلیں۔
شوریفل اسلام نے کا کہنا کہ پاکستانی ٹیم کے مڈل آرڈر بیٹر بابراعظم کی وکٹ حاصل کرنا خواب ہے۔
