بھارتی حسینہ ماہیما چوہدری نے 1994 میں ‘مس ورلڈ’ کا ٹائٹل جیتنے والی اداکارہ ایشوریا رائے کو خود غرض قرار دے دیا۔
بالی وڈ کی دنیا میں فلموں میں کاسٹنگ کے سبب متعدد فنکاروں میں ایسی لڑائیاں ہوئیں جو سال ہا سال چلتی رہیں۔
اگرچہ باز لڑائیاں ایسے فنکاروں میں ہوئیں جو ایک دوسرے کو نہیں جانتے تھے تاہم متعدد لڑائیاں ایسی بھی ہوئیں جو بہت بہترین دوستوں کو بھی الگ کر گئیں۔
ایسی ہی ایک لڑائی ماہیما چوہدری اور ایشوریا رائے میں بھی ہوئی جس کی وجہ بھارت کے معروف ہدایت کار سبھش گھائی بنے۔
سال 1999 میں سینما گھروں کی زینت بننے والی فلم ‘تال’ میں نے ایشوریا رائے کو بطور ہیروئن کاسٹ کیا جو ماہیما چوہدری کو ناگوار گزرا۔
دراصل ماہیما چوہدری نے 1997 میں سبھاش گھائی کی فلم پردیس میں کام کیا تھا اور اسی فلم کی شوٹنگ کے دوران ان کے اور سبھاش گھائی کے درمیان ایک معاہدہ طے پایا تھا۔
اس معاہدے کے مطابق ماہیما چوہدری سبھاش گھائی کے پروڈکشن ‘مکتا آرٹ’ کی تین فلموں کو سائن کر چکی تھیں اور جب سبھاش گھائی فلم ‘تال’ بنانے لگے تو ماہیما چوہدری کا یہ خیال تھا کہ وہ اس فلم میں ماہیما چوہدری کو ہی کاسٹ کریں گے۔ لیکن ایسا نہیں ہوا اور سبھاش گھائی نے ماہیما چوہدری کے ساتھ کیا گیا معاہدہ توڑ کر ایشوریا رائے کو اس فلم میں کاسٹ کر لیا۔
جب یہ بات ماہیما چوہدری کو پتا چلی تو ان کو بے انتہا غصہ آیا اور انہوں نے ایشوریا رائے کے لیے ‘سیلفش کیٹ’ کا لفظ بھی استعمال کیا۔
بتایا جاتا ہے کہ ماہیما چوہدری کو اس بات پر بھی غصہ تھا کہ جب ایشوریا یہ جانتی تھیں کہ یہ فلم ماہیما چوہدری کو ملنی ہے تو انہوں نے اس فلم کو سائن کیوں کیا۔
