سپر اسٹار ماہرہ خان کی اپنی شادی کی تقریب میں عابدہ پروین کے صوفیانہ کلام پر جھومنے کی ویڈیو سامنے آگئی۔
اداکارہ کی شادی کی تقریبات کا انعقاد بھوربن میں کیا گیا، شادی کی مختلف تقریبات میں قوالی نائٹ بھی شامل تھی جس میں عابدہ پروین نے اپنی آواز کا جادو جگایا تھا۔
اپنی شادی کی اس تقریب میں ماہر ہ خان نے گولڈن و سبز رنگ کا لہنگا اور ہاتھوں میں اسی مناسبت سے چوڑیاں پہن رکھی تھیں جبکہ ان کے خاوند سلیم کریم نے سیاہ رنگ کا بہترین لباس زیب تن کر رکھا تھا۔
اس خاص تقریب میں عابدہ پروین نے اپنا مشہور صوفی کلام ’تو جھوم‘ پیش کیا تو وہاں موجود تمام مہمان جھومنے پر مجبور ہوگئے۔
اس تقریب کی ویڈیو سوشل میڈیا پر وائرل ہونے کے بعد صارفین نے اس پر دلچسپ تبصرے بھی کیے۔
ویڈیو وائرل ہونے کے بعد سوشل میڈیا صارفین نے اداکارہ پر تنقید کی اور الزام عائد کیا کہ انہیں دیکھ کر ہی دوسری اداکارائیں بھی اسی طرح بے حیائی پھیلاتی ہیں۔
بعض افراد نے انہیں جوان بیٹے کی ماں ہونے کا طعنہ بھی دیا اور کہا کہ وہ محفل میں شوہر کے ہمراہ اس طرح جھوم رہی ہیں اور اگر ان کا بیٹا یہ ویڈیو دیکھے گا تو ان پر کیا گزرے گی؟
ماہرہ خان کی جھومنے کی ویڈیو پر زیادہ تر افراد نے استغفار اور توبہ کے کمنٹس کیے جب کہ بعض نے اداکارہ سمیت ان کے شوہر کو بھی آڑے ہاتھوں لیا۔
