بالی ووڈ کی فیوریٹ سپراسٹارجوڑی ابھیشیک بچن اور ایشوریا رائے کے درمیان علیحدگی کی افواہیں تاحال زیر گردش ہیں اور اس حوالے سے آئے دن کوئی نہ کوئی خبر سرخیوں کی زینت بنتی رہتی ہے۔
آج کل ابھیشیک بچن کی ایک پرانی ویڈیووائرل ہورہی ہے۔ یہ ویڈیو 2022 کی ہے ۔ اسوقت بھی ان کے درمیان علیحدگی کی خبریں زور پکڑ رہی تھیں۔
اس انٹرویو میں ابھیشیک بچن اپنی اہلیہ کی تعریف کرتے ہوئے دکھائی دیتےہیں۔ وہ کہتے ہیں کہ ایشوریا رائےمجھے ہمیشہ ذہنی اور جذباتی طور پر سپورٹ کرتی ہے۔ وہ اس لحاظ سے بے مثال ہے اور میں اپنے آپ کو خوش قسمت تصور کرتا ہوں۔
ابھیشیک نے مزید کہا تھا کہ ایشوریا جیسے جیون ساتھی کے ہونے کا ایک بڑا فائدہ یہی ہے کہ وہ میرے کام کی نوعیت کو سمجھتی ہیں۔ انہیں اس انڈسٹری میں کام کرنے کا مجھ سے زیادہ تجربہ ہے۔ اس لیے اس کی باریکیاں اور تقاضے بھی جانتی ہیں۔
ابھیشیک بچن کا مزید کہنا تھا کہ جب آپ شوٹنگ سے تھک ہار کر گھر آتے ہیں اور آپ کا دن اچھا نہ گزرا ہوتو یہ احساس سکون بخشتا ہے کہ گھر میں کوئی ہے جو آپ کی کیفیت کو سمجھ سکتا ہے۔
انہوں نے ایشوریا رائے کی تعریف کرتے ہوئے کہا کہ انہوں نے زندگی کے مشکل لمحات کوجس طرح خوبصورتی سے گزارے وہ یقیناً حیران کن ہے۔ ایشوریا رائے ایک باہمت اوربہادرعورت ہے۔
