پاکستانی اداکار گوہر رشید اور اداکارہ کبریٰ خان کی جلد شادی کی خبروں سوشل میڈیا پر زور پکڑ لیا۔
گوہر رشید اور کبریٰ خان بہت قریبی دوست ہیں اور دونوں ہی اکثر و بیشتر اپنے سوشل میڈیا اکاؤنٹس پر ایک دوسرے کے ساتھ تصاویر شیئر کرتے رہتے ہیں اور اسی سبب مداح ان کی جوڑی کو پسند کرتے ہوئے ان کو شادی کا مشورہ بھی دیتے نظر آتے ہیں۔
گزشتہ سال کبریٰ خان اور گوہر رشید پہلی مرتبہ ایک ساتھ کام ڈراما ’جنت سے آگے‘ میں اپنی بہترین اداکاری کے جوہر دکھاتے بھی نظر آئے۔
دو سال سے کبریٰ خان اور گوہر رشید سے انکے ہر انٹرویو میں یہ سوال لازمی کیا جانے لگا کہ کیا وہ ایک دوسرے کو ڈیٹ کر رہے ہیں اور کیا شادی کے حوالے سے سوچ رہے ہیں؟
دونوں ہی ہمیشہ ان سوالات کو کبھی نظر انداز کرتے دکھے تو کبھی اپنے رشتے کو قریبی دوستی قرار دے کر سوال آیا گیا کردیا۔
حال ہی میں گوہر نے اشنا شاہ کے پروگرام ‘آفٹر آر’ میں شرکت کی جہاں ان سے یہ سوال کیا گیا کہ ‘کیا آپ سنگل ہیں؟’ جس پر گوہر رشید نے زوردار قہقہ لگایا اور پھر کہا کہ ‘نہیں میں سنگل نہیں ہوں’۔
پہلی مرتبہ اپنا ریلیشنشپ اسٹیٹس منظرِ عام پر لانے کے بعد اپنی زندگی کی محبت کی عادتیں بھی بتائیں۔
اپنی مبینہ گرل فرینڈ کے بارے میں بات کرتے ہوئے گوہر رشید نے کہا کہ ‘وہ بہت بہترین شخصیت کی مالک ہیں، اب میں ان کے بغیر اپنی زندگی کا تصور نہیں کرسکتا، اس حوالے سے بات کرتے ہوئے پورا شو ہوسکتا ہے’۔
گوہر رشید کا یہ بیان سوشل میڈیا پر جنگل کی آنکھ کی طرح پھیل گیا اور مداح بڑھ چڑھ کر اندازے لگاتے نظر آئے کہ گوہر رشید کس کے متعلق بات کر رہے ہیں۔
سوشل میڈیا صارفین کا یہ خیال ہے کہ گوہر رشید جس لڑکی کی بات کر رہے ہیں وہ کوئی اور نہیں بلکہ انکی قریبی دوست کبریٰ خان ہی ہیں۔
یاد رہے کہ اس سے قبل ایک انٹرویو میں گوہر رشید نے کبریٰ خان کو اپنی بہترین دوست قرار دیتے ہوئے کہا تھا کہ ’ کبریٰ میرے لیے میری فیملی جیسی ہیں، میں ان کے لیے سینے پر گولی بھی کھاسکتا ہوں لیکن اس کا مطلب یہ ہرگز نہیں کہ ہم شادی کرنے والے ہیں۔‘
انہوں نے کہا تھا کہ ’ فلموں اور ڈراموں نے یہ بات دکھا دکھا کر سب کو ذہن نشین کرادی ہے کہ لڑکا اور لڑکی کبھی دوست نہیں ہوسکتے ان کے بیچ صرف محبت کا تعلق ہی ہوسکتا ہے جبکہ یہ سچ نہیں ہے لڑکا اور لڑکی بہت اچھے دوست ہوسکتے ہیں۔‘
