پاکستانی اداکارہ عائزہ خان نے اپنے پسندیدہ ساتھی اداکاروں کے ساتھ یادگار تصاویر سوشل میڈیا کی زینت بناکر اپنے تمام ہٹ کرداروں کی یادیں تازہ کردیں۔
عائزہ خان کا پاکستانی شوبز انڈسٹری کی وہ اداکارہ ہیں جو اپنی دلکش مسکراہٹ اور بہترین اداکاری سالوں سے سب کے دل جیتنے میں کامیاب ہیں۔
عائزہ خان نے سال 2009 میں ڈراما ‘تم جو ملے’ سے اداکاری کی دنیا میں قدم رکھا لیکن انکو شہرت کے آسمان پر پہنچانے والا ڈراما ‘پیارے افضل’ ثابت ہوا جس میں وہ ‘فرح ابراہیم’ کا کردار نبھاتی نظر آئیں۔
عائزہ خان نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں انہوں اپنے پسندیدہ ساتھی اداکاروں کے ساتھ کیے گئے ڈراموں کے دوران لی گئیں تصاویر شامل ہیں۔
پوسٹ میں شامل سب سے پہلی تصویر ہمایوں سعید کے ساتھ ہے جو انکے مشہور ڈرامے ‘میرے پاس تم ہو’ کی ہے۔ ڈرامے میں عائزہ خان نے ‘مہوش’ نامی منفی کردار نبھایا جبکہ ہمایوں سعید ‘دانش’ بنے نظر آئے۔
دوسری تصویر عثمان بن خالد کے ساتھ ڈراما ‘چپکے چپکے’ کے سیٹ پر لی گئی ہے جس میں عائزہ ‘مینو’ جبکہ عثمان بن خالد ‘فاز ابراہیم’ یعنی ‘فازی بھئیا’ بنے دکھے۔
تیسری تصویر ڈراما ‘میں’ کے ساتھی اداکارہ وہاج علی کے ساتھ ہے جبکہ چوتھی تصویر جلد ریلیز ہونے والے ڈرامے ‘ہم راز’ کے کو اسٹار فیروز خان کے ساتھ دیکھی جاسکتی ہے۔
پانچویں نمبر پر عائزہ خان اور حمزہ علی عباسی ڈراما سیٹ ‘جانِ جہاں’ کی ہے جس کے بعد انکی حقیقی زندگی کے ساتھی دانش تیمور کے ساتھ تصویر شامل ہے۔
اس کے بعد زاہد احمد، عمران اشرف اور عمران عباس کے ساتھ لائن سے تصاویر دیکھی جاسکتی ہیں۔
پوسٹ کے کیپشن میں عائزہ خان نے لکھا کہ ‘ ان پسندیدہ اداکاروں کے ساتھ تصاویر جنکے ساتھ گزشتہ چند سالوں میں کام کیا’۔
انہوں نے مزید لکھا کہ ‘کیا آپ یہ اندازہ لگاسکتے ہیں کہ میں نے اب تک کس اسٹار کے ساتھ کام نہیں کیا ہے؟ اور آپ کس کے ساتھ مجھے اگلے پراجیکٹ میں کام کرتے دیکھنا چاہتے ہیں؟ پھر نہ کہنا پوچھا نہیں’۔
