پاکستان سمیت بھارت میں بھی یکساں مقبولیت کی حامل اداکارہ ماورا حسین نے اپنے حالیہ پوسٹ سے شادی کے قیاس آرائیوں کو جنم دے دیا۔
ڈراما سیریل ’آنگن‘ ، ’ثبات‘ ، ’نوروز‘ ، ’ایک تمنا لاحاصل سی‘ اور ’داسی‘ جیسے سپر ہٹ ڈراموں میں معاون کردار ادا کرنے والی ماورا حسین اداکاری کے ساتھ ساتھ سوشل میڈیا پر بھی متحرک رہتے ہوئے لوگوں کی توجہ کا مرکز بنی نظر آتی ہیں۔
ماورا حسین نے نہ صرف پاکستان بلکہ بھارت میں بھی اپنے فن کا لوہا منوایا اور 2016 میں بالی وڈ فلم ’صنم تیری قسم‘ میں اداکار ہرشوردھن کے ساتھ کام کیا اور صرف ایک ہی فلم سے بالی وڈ کی دنیا میں اپنی پہچان بنانے میں کامیاب رہیں۔
تاہم ان دنوں اداکارہ کو انکے حالیہ ڈراما سیریل ’جفا’ میں دبنگ پرفارمنس کے سبب ناظرین کی جانب سے خوب داد موصول ہورہی ہے۔
فنی صلاحیتوں سے مالا مال اداکارہ ماورا حسین اب تک سنگل ہیں اور شاید یہی وجہ ہے کہ انکے فینز جلد انہیں شادی کے بندھن میں بندھا دیکھا چاہتے ہیں۔
فوٹو اینڈ ویڈیو شیئرنگ ایپ انسٹاگرام پر ماورا حسین نے دلکش تصاویر کی کلیکشن شیئر کی جس میں انکی حالیہ سرگرمی کی جھلکیاں موجود تھیں۔
مذکورہ پوسٹ میں ماورا حسین تھکی ہاری سوتیں، شوٹ کراتیں، لذیذ کھانوں سے لطف اندوز ہوتیں اور سفر کرتی نظر آئیں جبکہ ایک سلائڈ میں انہیں سفید برائیڈل گاؤن کا ٹرائل کرتے بھی دیکھا گیا۔
اور شاید یہی وہ سلائڈ تھی جس نے مداحوں کو بہت کچھ سوچنے پر مجبور کردیا۔
پوسٹ شیئر کرتے ہوئے ماورا حسین نے کیپشن میں اپنے فینز کو مصروف ترین شیڈول کا احوال بیان کرتے ہوئے بتایا کہ،’100 گھنٹوں کے سفر کے بعد کی حالت۔’
تاہم دوسری جانب ان دیکھی تصاویر کی کلیکشن دیکھنے کے بعد سوشل میڈیا صارفین نے تمام جھلکیوں کو نظر انداز کرکے محض برائیڈل گاؤن کے ٹرائل پر اپنی نظریں جمالیں اور یہ قیاس کرنا شروع کردیا کہ شاید اداکارہ اپنی شادی کی تیاریاں کر رہی ہیں اور جلد ہی کسی مسٹری مین کیساتھ رشتہ ازدواج میں منسلک ہوجائیں گی۔
