پاکستان کیخلاف 2 ٹیسٹ میچز کی سیریز کیلئے جنوبی افریقا نے 16 رکنی اسکواڈ کا اعلان کردیا۔
دونوں ٹیموں کے درمیان دو ٹیسٹ میچز کی سیریز ون ڈے میچز کے بعد کھیلی جائے گی، سیریز کا پہلا ٹیسٹ 26 دسمبر سے سنچورین میں شروع ہوگا۔
جنوبی افریقا نے پاکستان کے خلاف ٹیسٹ سیریز کیلئے اپنے 16 رکنی اسکواڈ کا اعلان کردیا ہے جسکی قیادت ٹمبا باوما کے سپرد ہوگی۔
اس کے علاوہ دیگر کھلاڑیوں میں ڈیوڈ بیڈنگھم،کوربن بوش، میتھیو بریٹزکے، ٹونی ڈی زوری، مارکو یانسن، کیشوو مہاراج، کوینا مافاکا، ایڈن مارکرم، ویان ملڈر، سینورن متھوسامی، ڈین پیٹرسن، کاگیسو رباڈا، ریان رکلیٹن، ٹرسٹن اسٹبز، کائل ویریانے شامل ہیں۔
دوسری جانب پاکستان اور جنوبی افریقا کے درمیان ٹی20 سیریز میزبان ٹیم کے نام رہی تھی جس نے 0-2 سے گرین شرٹس کو مات دی اور ایک میچ بارش کی وجہ سے واش آؤٹ ہوگیا تھا۔
ادھر دونوں ٹیموں کے درمیان ون ڈے سیریز کا دوسرا میچ آج کیپ ٹاؤن میں کھیلا جائے گا۔
