ٹریول ایجنٹس ایسوسی ایشن آف پاکستان (TAAP) کے ایگزیکٹو بورڈ کے ممبر صادق صابرنے بتایا کہ متحدہ عرب امارات کے وزٹ ویزا کی درخواستوں کے لیے بینک اسٹیٹمنٹ 10 لاکھ روپے، کنفرم ریٹرن ٹکٹ اور ہوٹل کی بکنگ کی ضرورت ہے۔
صادق صابر نے مزید کہا کہ متحدہ عرب امارات کے ویزا مسترد ہونے کی شرح مبینہ طور پر 99 فیصد تک پہنچ گئی ہے جس کی وجہ اماراتی حکومت کی جانب سے سخت شرائط عائد کرنا ہے۔
صادق صابر نے انکشاف کیا کہ صرف لاہور سے روزانہ 2 ہزار کے قریب ویزا درخواستیں جمع ہوتی ہیں جن میں سے 99% درخواستیں مسترد کر دی جاتی ہیں۔
انھوں نے کہا کہ درخواست مسترد ہونے پر درخواست دہندگان کو 1,500 سے لے کر 2,000 درہم تک کا مالی نقصان کا سامنا کرنا پڑتا ہے۔
صادق صابر نے کہا کہ ویزا درخواستوں اور ہوٹل کی بکنگ کی فیسیں بھی ناقابل واپسی ہیں جو درخواست دہندہ کے مالی بوجھ کو مزید بڑھا دیتی ہیں۔
