بالی ووڈ کے معروف اداکار سلمان خان نے انکشاف کیا ہے کہ ان کی اصل خواہش اداکاری نہیں بلکہ ہدایت کاری تھی۔
اپنے بھتیجے ارہان خان کی پوڈکاسٹ میں گفتگو کے دوران سلمان خان نے بتایا کہ وہ 17 سال کی عمر میں ڈائریکٹر بننا چاہتے تھے، لیکن کسی نے انہیں موقع نہیں دیا۔ ان کے مطابق، کم عمری کی وجہ سے لوگوں نے انہیں سنجیدگی سے نہیں لیا اور اداکار بننے کا مشورہ دیا۔
سلمان خان نے ارہان کو کیرئیر کے درست انتخاب اور صحیح راستے پر چلنے کی اہمیت پر بھی نصیحت کی۔ انہوں نے کہا کہ اپنے ابتدائی دور میں وہ ماڈلنگ کے ساتھ ساتھ ہدایت کاری میں دلچسپی رکھتے تھے اور لکھنے کا شوق بھی تھا، جو آج بھی برقرار ہے۔
واضح رہے کہ سلمان خان کی نئی فلم ’سکندر‘ جلد ریلیز ہونے والی ہے، جس میں رشمیکا مندانا، سنیل شیٹی، شرمن جوشی اور کاجل اگروال اہم کردار ادا کر رہے ہیں۔
