برطانوی شہر برمنگھم میں کھیلے گئے چیمپئنز ٹرافی کے وارم اپ میچ میں بنگلا دیش نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 341 رنز بنائے جس کے جواب میں پاکستان کا آغاز اچھا نہ رہا اور اظہر علی صرف 8 رنز بنا کر پویلین واپس لوٹ گئے اور بابر اعظم بھی صرف ایک رنز بناسکے جس کے بعد احمد شہزاد اور محمد حفیط نے 59 رنزکی شراکت قائم کی لیکن شہزاد 44 رنز بناکر آؤٹ ہوئے اور حفیط بھی 49 رنز بناکر پویلین لوٹے۔ شعیب ملک نے 72 اور عماد وسیم نے 45 رنز کی اننگز کھیل کر پاکستان کی مشکلات کم کی لیکن آخری لمحات میں فہیم اشرف نے ناقابل یقین اننگز کھیل کر قومی ٹیم کو فتح سے ہمکنار کروایا ، انہوں نے 30 گیندوں پر 4 چھکوں اور 4 چوکوں کی مدد سے 64 رنز کی جارحانہ اننگز کھیلی جب کہ حسن علی نے 27 رنز کھیل کر فہیم کا بھرپور ساتھ دیا۔
