”پنجاب پولیس مقابلے میں مارنا چاہتی تھی “ممبر قومی اسمبلی کا انکشاف

ملتان،مظفر گڑھ(بیورو رپورٹ) رکن قومی اسمبلی جمشید دستی نے کہا ہے کہ پنجاب پولیس مجھے جعلی مقابلے میں مارنا چاہتی تھی، عدالت نے مجھے حکومتی بربریت سے بچا لیا رہائی کے بعد عوامی راج پارٹی کے سربراہ جمشید دستی اپنے آبائی علاقے مظفر گڑھ پہنچ گئے جہاں پر ان کا شاندار استقبال کیا گیا۔ جمشید دستی نے میڈیا سے گفتگو کی اور ایک بار پھر الزام دہراتے ہوئے کہا کہ جیل میں مجھ پر سانپ اور چوہے چھوڑے گئے اور میرا جرم صرف جرم اتنا تھا کہ نواز شریف کے سامنے گو نواز گو کے نعرے لگانا تھا۔نواز شریف کو ہتھکڑی لگے گی اور پورا خاندان جیل میں جائے گا۔ انہوں نے انکشاف کیا کہ پنجاب پولیس مجھے جعلی مقابلے میں مارنا چاہتی تھی لیکن عدالت نے مجھے حکومت کی بربریت سے بچایاہے۔ اس موقع پر جمشید دستی نے آئندہ عام انتخابات کے بعد شادی کرنے کا اعلان بھی کیا ۔دریں اثناءرکن قومی اسمبلی جمشید دستی نے کہا ہے کہ جے آئی ٹی سے ملک کی تقدیر بدلنے والی ہے ¾ عوام ملک کو لوٹنے والوں کا احتساب کرے گی۔رہائی کے بعد ملتان اور مظفر گڑھ میں میڈیا سے بات کرنے پر جمشید دستی نے کہاکہ جے آئی ٹی سے ملک کی تقدیر بدلنے والی ہے، نواز شریف اور شہباز شریف نے ملک کو 4 بجٹ دے کر لوٹا اب پانچواں بجٹ بھی عوام دشمن ہے۔ اب ان کا وقت آچکا ہے جو اربوں ڈالر چھپائے ہوئے ہیں وہ سب سامنے لائیں گے اور عوام ملک کو لوٹنے والوں کا احتساب کرے گی۔جمشید دستی نے کہاکہ میرا قصور یہ تھا کہ میں نے 26 مئی کو ملک دشمن بجٹ کی کاپیاں پھاڑ دی تھیں، تخت لاہورکے خلاف اور سرائیکی صوبے کی آواز اٹھائی اس لئے جیل جانا پڑا تاہم کرپٹ حکمرانوں کے سامنے نہیں جھکوں گا اور الگ صوبے کی تحریک چلاو¿ں گا۔انہوں نے کہاکہ رانا ثناءاللہ سمیت پولیس افسران کے خلاف انشااللہ عدلیہ ضرور کاروائی کرےگی جبکہ عدلیہ نے مکمل انصاف کیا جس پر ان کا شکرگزارہوں،عمران خان سمیت وکلا، سرائیکی وسیب اور شی میل ایسوسی ایشن کا بھرپورشکریہ ادا کرتاہوں۔جمشید دستی نے کہا کہ میں نے والدہ کی نافرمانی کی جس کی وجہ سے جیل گیا ۔ایک سوال پر انہوںنے کہاکہ آئندہ الیکشن کے فوری بعد شادی کروں گا، ادا کارہ میرا میرے معیارکی نہیں لہذا اچھے خاندان میں شادی کروں گا ¾ شادی پر بھی نواز شریف اور شہباز شریف کو دعوت نہیں دوں گا۔