چترال (نمائندہ خبریں)تحریک انصاف کے چیئرمین عمران خان نے کہا ہے کہ بادشاہت کی مثال دیکھنی ہے تو مریم نواز کی جے آئی ٹی میں پیشی دیکھ لیجیے ¾دو نمبر جمہوریت میں میرٹ کا قتل ہوتا ہے ¾ چترالی عوام نے لواری ٹنل بنانے پرجنرل مشرف کوووٹ دیا۔چترال یونیورسٹی میں تقریب سے خطاب کرتے ہوئے عمران خان نے کہاکہ جے آئی ٹی میں جوبھی پیش ہوتاہے باہرآکر میری تعریفیں کرتا ہے ¾عمران خان نے کہا کہ دو نمبر جمہوریت میں میرٹ کا قتل ہوتا ہے اور جمہوریت کے اندر لیڈر شپ میرٹ پر اوپر آتی ہے ¾ مغرب میں جمہوریت آگئی اس لیے وہ اوپر چلا گیااور جن ملکوں میں میرٹ تھا وہ اوپر گئے،جہاں بادشاہت تھی وہ نیچے آگئے۔تحریک انصاف کے چیئرمین نے کہا کہ نوازشریف کی بیٹی مریم نواز ایک عام شہری ہیں ¾کرمنل انویسٹی گیشن کےلئے مریم نوازکوبلایا گیا تھا اور انہیںپولیس سیلوٹ کررہی ہے ¾اسحاق ڈارکابیٹا20سال پہلے اسکوٹرپرگھومتاتھا ¾آج اربوں کی پراپرٹی ہے۔انہوںنے کہاکہ پانچ میں سے دوججوں نے کہہ دیا کہ نوازشریف صادق اورامین نہیں رہے جبکہ ملک میں میرٹ کا نظام رائج ہونا چاہیے تاکہ ملک اوپر جائے ¾اگر ورلڈ کپ کھیلنے کے لیے اپنے دوستوں کو لے جاتا تو کامیابی نہ ملتی اور جس ملک میں میرٹ نہیں وہ پیچھے رہ جاتا ہے۔انہوںنے کہاکہ ہمیں اپنی سیاحت کو بچانا ہے جبکہ چترال یونی ورسٹی میں سیاحت کا مضمون ہونا چاہیے اور مقامی سیاحت جیسی آج ہے ایسی کبھی نہیں تھی کیونکہ غیرملکی افرادیہاں سیاحت کےلئے آرہے ہیں ¾چترال میں سیاحت کے فروغ کے کئی مواقع ہیں۔ عمران خان نے کہا کہ چترالی عوام نے لواری ٹنل بنانے پرجنرل مشرف کوووٹ دیا اور کہا کہ ہم اسے سراہتے ہیں ¾ایسا ہی ماحول چترال میں دیکھا جس کی خوشی ہے۔بلتستان کے ایک تھانے گیاکبھی قتل کا کوئی مقدمہ درج نہیں ہواجبکہ گلگت بلتستان کے لوگ اپنے گھروں میں تالے نہیں لگاتے ہیں۔پی ٹی آئی کے چیئرمین نے کہا کہ ہمارا دینی فرض ہے کہ اپنے وعدوں پر قائم رہیںاور جب کوئی حکمران قوم سے وعدہ کرے تو اسے پورا کرنا چاہیے۔
