نئی دہلی(شوبز ڈیسک) بالی وڈ اداکارہ عائشہ ٹاکیہ نے کہا ہے کہ فلموں سے عارضی وقفہ فیملی کے ساتھ وقت گزارنے اور زندگی میں مختلف چیزوں کو انجوائے کرنے کے لئے لیا۔جمعہ کوبھارتی میڈیاکے مطابق اداکارہ عائشہ ٹاکیہ 4 سال کے بعد فلم ”بوری والی کی بروس لی‘سے فلمی دنیا میں واپس آئیں گی نے کہا ہے کہ انہوں نے فلموں سے عارضی وقفہ فیملی کے ساتھ وقت گزارنے اور زندگی میں مختلف چیزوں کو انجوائے کرنے کے لئے لیا۔ انہوں نے کہا کہ وہ جب 4 سال کی تھیں تو وہ کیمرے کے سامنے آئیں ،میں نے ایک نارمل لڑکی کی طرح اور شہرت سے باہر کی زندگی نہیں گزاری اور پھر فلم ”وانٹڈ“ کے بعد لگا کہ مجھے اپنے متعلق سوچنے سمجھنے اور مختلف بزنس کرنے کے لئے اس سے باہر نکل نکلنے کی ضرورت ہے ۔
