لاہور (ویب ڈیسک) بھارت اور ویسٹ انڈیز کے درمیان واحد ٹی 20 میچ آج کھیلا جانا ہے اور کرکٹ شائقین کیلئے خوشخبری ہے کہ چھکوں کے بے تاج بادشاہ کرس گیل کو بھی اس میچ کیلئے ٹیم میں شامل کر لیا گیا ہے جس کے باعث بھارتی ٹیم میچ سے پہلے ہی حواس باختہ ہو گئی ہے۔کرس گیل ٹی 20 ورلڈکپ 2016ئ کے بعد سے اپنی قومی ٹیم میں شامل نہیں تھے تاہم اب انہیں اس میچ کیلئے ٹیم کا حصہ بنایا گیا ہے۔ کرکٹ ویسٹ انڈیز کی جانب سے جاری ہونے والے ایک بیان میں کہا گیا ہے کہ ”ہم کرس گیل کو ٹی 20 سکواڈ میں واپسی پر خوش آمدید کہتے ہیں۔ وہ اس فارمیٹ کے سب سے بہترین بلے باز ہیں اور ٹیم میں ان کی شمولیت سے ٹاپ آرڈر مضبوط ہو گا۔ انہیں اپنے وطن کی سرزمین پر دنیا کی بہترین ٹیم کے خلاف کھیلنے کا موقع ملے گا۔
