نئی دہلی ( نیو ز ا یجنسیا ں ) بھارتی کرکٹ ٹیم کے کپتان ویرات کوہلی نے سخت دورہ جنوبی افریقہ سے قبل ناقص شیڈول اور منصوبہ بندی پر اپنے بورڈ پر برہمی کا اظہار کرتے ہوئے کہا ہے کہ ناقص منصوبہ بندی کے سبب ہمارے پاس دورہ جنوبی افریقہ کی تیاریوں کیلئے بالکل بھی وقت نہیں ہو گا۔بھارتی ٹیم اس وقت سری لنکا کے خلاف ٹیسٹ سیریز کھیلنے میں مصروف ہے۔ اور ون ڈے و ٹی20 سمیت اس سیریز کے اختتام پر میزبان ملک کو مشکل دورہ جنوبی افریقہ کیلئے روانہ ہونا ہے اور اس ناقص منصوبہ بندی پر بھارتی ٹیم کے کپتان نے بورڈ حکام کو تنقید کا نشانہ بنایا۔ویرات کوہلی نے بورڈ پر زور دیا کہ وہ مستقبل میں سیریز کی منصوبہ بندی سے قبل شیدول کا جائزہ ضرور لیں کیونکہ ایسا نہ کرنے کی صورت میں کھلاڑی غیرضروری دباو¿ کا شکار ہو جاتے ہیں اور انجری کا خطرہ بھی رہتا ہے۔انہوں نے تسلیم کیا کہ دورہ جنوبی افریقہ کی وجہ سے ہم نے بورڈ سے درخواست کی کہ سری لنکا کے خلاف سیریز کے دوران فاسٹ باو¿لرز کو معاونت فراہم کرنے والی وکتیں تیار کی جائیں تاکہ ہمیں دورے کی تیاری کا وقت مل سکے۔
