لاہور(ویب ڈیسک)عوامی تحریک کی جانب سے سانحہ ماڈل ٹاو¿ن پر بلائی گئی آل پارٹیز کانفرنس میں شہبازشریف اور رانا ثنا اللہ کو مستعفیٰ ہونے کے لیے دی گئی ڈیڈلائن کا آج آخری دن ہے۔ سانحہ ماڈل ٹاﺅ ن کے حوالے سے عوامی تحریک کے زیراہتمام اے پی سی میں اپوزیشن جماعتوں کی طرف سے وزیراعلیٰ پنجاب شہباز شریف اور وزیر قانون رانا ثنا اللہ کو مستعفیٰ ہونے کے لیے 7 جنوری کی ڈیڈلائن دی گئی تھی جو آج ختم ہوجائی گی، حکومتی شخصیات کی جانب سے اپوزیشن کی ڈیڈلائن کا کوئی نوٹس نہ لیا گیا جب کہ ڈیڈلائن ختم ہونے پر کل جماعتی کانفرنس کی اسٹیئرنگ کمیٹی کا اجلاس کل ہوگا۔
