خبردار !اے ٹی ایم فراڈ ئیے کہیں آپ کے شہر تو نہیں پہنچ گئے

ملتان (خصوصی رپورٹ) کراچی کے بعد ملتان میں بھی اے ٹی ایم سے رقم نکلوانے والا گروہ سرگرم ہوگیا۔ سردار مظاہر حسین خان کی جانب سے ڈپٹی ڈائریکٹر ایف آئی اے ملتان کو دی جانے والی درخواست میں مو¿قف اختیار کیا ہے کہ 14 جنوری 2018ءکو ایک کال موصول ہوئی جس میں نوسرباز نے بینک اہلکار بن کر موبائل کال کرکے اکاﺅنٹ ڈیٹا اور دیگر تفصیلات معلوم کرلیں اور اس کے تین لاکھ روپے سات مختلف اکاﺅنٹس میں منتقل کردیئے۔ اکاﺅنٹ ہولڈروں میں چار خواتین کے نام بینک اکاﺅنٹ ہونے کا انکشاف ہوا ہے۔ متاثرہ نے بتایا کہ واردات کے فوری بعد بینک حکام سے رجوع کیا لیکن کوئی بھی ذمہ داری لینے کو تیار نہیں۔ متاثرہ شخص کے حوالے سے تحقیقات کی جارہی ہیں۔ پولیس اور ایف آئی اے نے تحقیقات کا آغاز کردیا ہے۔