کوہلی شاندار کرکٹر ، بیٹنگ دیکھ کر بڑا لطف آتا ہے

اسلام آباد(آن لائن) شعیب اختر نے کہا ہے کہ ویرات کوہلی ایک شاندار کرکٹر ہیں اور انہیں بیٹنگ کرتے دیکھنا بڑا پر لطف ہوتا ہے۔ جنوبی افریقہ کیخلاف پہلے ون ڈے کا حوالہ دیتے ہوئے شعیب اختر نے کہا کوہلی بالکل چیتے کی طرح اپنے ہدف کا تعاقب کرتے ہیں۔سابق فاسٹ بولر نے کہا کہ ویرات کوہلی نے ایک مرتبہ پھر ہدف کا زبردست تعاقب کیا اور ٹیم کو کامیابی دلا کر ہی دم لیا ۔شعیب اختر کا کہنا تھا کہ بات جب ہدف کے تعاقب کی آتی ہے تو یوں لگتا ہے کہ ویرات کوہلی چیتا بن جاتے ہیں۔ انہوں نے نوجوان کھلاڑیوں سے کہا کہ وہ بھی ویرات کوہلی کے نقش قدم پر چلنے کی کوشش کریں اور کھیل کے ساتھ اسی لگن کا ثبوت دیں جس کے بل پر کوہلی ٹیم کے لئے کامیابیاں سمیٹ رہے ہیں۔ شعیب نے کہا بھارت کی جونیئر ٹیم نے انہی کے انداز میں ورلڈکپ فائنل جیتا ہے۔ ویرات کوہلی بھی ایک زمانے میں انڈر 19ٹیم کا حصہ رہے ہیں۔۔