All posts by Daily Khabrain

انٹر نیشنل

ٹرمپ بریگزٹ پلان پر برطانیہ سے نالاں

واشنگٹن(ویب ڈیسک) امریکی صدر ڈونلڈ ٹرمپ نے کہا ہے کہ وزیراعظم تھریسامے کا بریگزٹ پلان یورپی یونین کے لیے شاندار لیکن امریکا اور برطانیہ کے درمیان تجارت کے لیے زیادہ مناسب نہیں۔بین الاقوامی خبر رساں ادارے کے مطابق وائٹ ہاﺅس کے باہر صحافیوں سے بات چیت کرتے ہوئے امریکی صدر ڈونلڈ ٹرمپ نے برطانوی وزیراعظم تھریسامے اور یورپی یونین کے درمیان طے پانے والے بریگزٹ پلان کو امریکا اور برطانیہ کے درمیان تجارت کے لیے خطرناک قرار دے دیا۔امریکی صدر ڈونلڈ ٹرمپ نے مزید کہا کہ بریگزٹ پلان یورپی یونین کے لیے ایک عظیم معاہدہ ہے جس سے وہ کافی فوائد حاصل کرسکیں گے لیکن اس معاہدے کے مندرجات سے امریکا اور برطانیہ کے درمیان تجارتی تعلقات کو ٹھیس پہنچ سکتی ہے جسے سنجیدگی سے دیکھنا ہوگا۔امریکی صدر نے کہا کہ ہوسکتا ہے کہ میرے خدشات درست نہ ہوں اور بریگزٹ پلان میں ایسا کچھ بھی نہ ہو جس سے امریکا اور برطانیہ کے درمیان معاشی تعلقات پر ضرب پڑتی ہو لیکن اگر ایسا ہے تو یہ سنگین معاملہ ہے جسے ایک مرتبہ پھر دیکھنے کی شدید ضرورت ہے۔دوسری جانب برطانوی وزیراعظم کے دفتر سے جاری بیان میں امریکی صدر کے خدشات کو مسترد کرتے ہوئے کہا گیا ہے کہ بریگزٹ ڈیل کے تحت برطانیہ امریکا کے ساتھ بھی ا±س طرح تجارتی معاہدے کرسکے گا جیسا وہ دنیا کے دیگر ممالک کے ساتھ کرتا ہے، برطانیہ اور امریکا کے درمیان تجارتی معاہدوں کے خدوخال پر کام جاری ہے۔واضح رہے کہ حال ہی میں یورپی یونین کے تمام رہنماﺅں نے برسلز میں ہونے والی خصوصی تقریب میں برطانوی وزیراعظم تھریسامے کے بریگزٹ پلان پر دستخط کیے تھے۔ جس کے بعد اب بریگزٹ ڈیل کو برطانوی پارلیمنٹ سے منظور کرانا ہوگا اور یوں برطانیہ کا یورپی یونین سے انخلاءکا عمل مکمل ہوجائے گا۔

پاکستان

100روز میں خزانے کو 3ارب 72کروڑکا فائدہ پہنچایا،مراد سعیدنے وزارت کی کارکردگی رپورٹ پیش کر دی

اسلام آباد(ویب ڈیسک)وزیرمملکت برائے مواصلات مراد سعید نے اپنی وزارت کی 100 روزہ کارکردگی رپورٹ پیش کردی، جس میں کہا گیا کہ 3 ارب 72 کروڑ روپے کا کفایت شعاری کی مد میں قومی خزانے کو فائدہ پہنچایا جبکہ منصوبوں، زمین کی خریداری اور مشکوک منصوبوں سے متعلق تحقیقات کروائیں۔اسلام آباد میں پریس کانفرنس کے دوران انہوں نے کارکردگی رپورٹ میں بتایا کہ 100 روز میں ایک ارب 41 کروڑ سے زائد ریونیو میں اضافہ کیا جبکہ ایک ارب 59 کروڑ روپے کی زمین واگزار کرائی گئی۔انہوں نے بتایا کہ 20 کروڑ 88 لاکھ سے زائد کی گاڑیاں نیلام کی گئیں اور اخراجات کی مد میں 3 کروڑ 61 لاکھ روپے کی بچت کی گئی۔مراد سعید نے کہا کہ پہلے 50 روز میں 22 سو نوکریوں کی جگہ بنائی گئی۔انہوں نے رپورٹ میں بتایا کہ آڈٹ رپورٹ کے مطابق 46 کروڑ 82 لاکھ روپے کی وصولی کی جبکہ منصوبوں، زمین کی خریداری، مشکوک منصوبوں سمیت 4 انکوائریاں کھولی گئیں اور سرسبز پاکستان منصوبے کے تحت 1 لاکھ 87 ہزار درخت لگائے گئے۔وزیر مملکت نے کہا کہ جن افسران نے 100 روزہ کارکردگی کا ہدف پورا نہیں کیا ان کا احتساب کیا جائے گا، ہم سیاست میں وزیراعظم عمران خان کے ویڑن کو لے کر آئے ہیں، ہم نے ان کی سادگی کا وژن ا پنایا ہے، جس کے تحت ہم نے ایندھن اور دیگر اخراجات کی مد میں 50 فیصد کمی کی جبکہ ریونیو میں 3 ارب 72 کروڑ روپے کا اضافہ کیا اور وزارت کی 202 گاڑیاں نیلام کیں۔ان کا کہنا تھا کہ وزیر اعظم عمران خان نے احتساب کا اعلان کیا، ہم نے اپنی وزارت میں احتساب شروع کیا اور شکایت سیل میں آنے والی 219 شکایات کو دور کیا۔اس موقع پر وزیر مملکت نے بتایا کہ ناران کاغان میں 2 ریسٹ ہاﺅسز عوام کے لیے کھول دیے جائیں گے جبکہ موٹروے پولیس ہمسفر اور پاسبان ایپ لانچ کی جائے گی اور ملک بھر کی 12 ہزار کلومیٹر کی شاہراہوں پر درخت لگائے جائیں گے۔انہوں نے بتایا کہ ملک میں تمام شاہراہوں کی جی آئی ایس میپنگ کا آغاز کیا جائے گا، اس سے سالانہ 300 ارب روپے کا ریونیو حاصل ہوگا اور 5 سال بعد ہمارا ادارہ منافع بخش ہوگا۔ان کا کہنا تھا کہ ہم ماڈل سڑکیں بنائیں گے اور سڑکوں کی تعمیر کے معیار پر کوئی سمجھوتہ نہیں کیا جائے گا اور سڑکوں کے کنارے درخت بھی لگائے جائیں گے جبکہ قبضے والی زمین واگزار کرائی جائے گی۔وزیر مملکت کا کہنا تھا کہ سابق حکومتوں نے قرض پر قرض لیے جبکہ ویڑن کے فقدان کے باعث ادارے آگے نہیں بڑھ سکے لیکن انشاءاللہ ہم پاکستان کو بدل کر دکھائیں گے اور لوٹی ہوئی دولت کو پاکستان میں لائیں گے۔

کھیل

ایک ہی میچ میں 14شکار،یاسرشاہ نے وہ کر دیا جو شین وارن بھی نہ کرپائے

دبئی(ویب ڈیسک ) قومی ٹیم کے لیگ سپنر یاسر شاہ نے دبئی ٹیسٹ میں وہ کارنامہ سر انجام دے دیا ہے جو لیجنڈری لیگ سپنر شین وارن بھی نہیں کرپائے تھے۔ 32سالہ یاسر شاہ نے نیوزی لینڈ کے خلاف دبئی ٹیسٹ میں 184رنز کے عوض میچ میں مجموعی طور پر14شکار کیے جو کسی بھی لیگ سپنر کی جانب سے میچ میں تیسری باﺅلنگ بنی۔ بھارت کے نریندرا ہروانی نے ویسٹ انڈیز کے خلاف 1988ءمیں چنائی ٹیسٹ کے دوران 136رنز دیکر16وکٹیں حاصل کی تھیں ، سابق بھارتی کپتان انیل کمبلے نے پاکستان کے خلاف 1999ءمیں دہلی ٹیسٹ میں 149رنز دیکر14شکار کیے تھے ، لیجنڈری آسٹریلیوی لیگ سپنر شین وار ن نے 1994ءمیں جنوبی افریقہ کے خلاف میچ میں128رنز دیکر12وکٹیں حاصل کی تھیں۔یاد رہے کہ تین ٹیسٹ میچز کی سیریز کے دوسرے مقابلے میں پاکستان نے نیوزی لینڈ کو اننگز اور 16رنز سے شکست دیکر سیریز 1-1سے برابر کردی۔نیوزی لینڈ نے ٹیسٹ کے چوتھے روز 2 وکٹ کے نقصان پر 131 رنز سے کھیل کا آغاز کیا تو کچھ ہی دیر میں پاکستان کو پہلی کامیابی حاصل ہوگئی۔ نیوزی لینڈ کی تیسری وکٹ 146 رنز پر گر گئی اور ٹام لیتھم 50 رنز بنا کر حسن علی کی گیند پر کیچ آﺅٹ ہوگئے۔اسکے بعد راس ٹیلر نے ٹیم کو سہارا دینے کی کوشش کی اور سکور 198 رنز تک پہنچا دیا تاہم بلال آصف نے راس ٹیلر کو 82 رنز پر کیچ آﺅٹ کرا دیا جسکے نتیجے میں نیوزی لینڈ کی چوتھی وکٹ 198 رنز پر گر گئی۔واٹلنگ اور ہنری نکولس نے عمدہ بلے بازی کا مظاہرہ کرتے ہوئے 57رنز کی شراکت داری قائم کرکے ٹیم کا سکور255رنز تک پہنچایا جس کے بعد واٹلنگ27رنز سکور کرکے یاسر شاہ کی گیند پر ایل بی ڈبلیو آﺅٹ ہوگئے، کولن ڈی گرینڈ ہوم ایک بار پھر بڑا سکور کرنے میں ناکام رہے اور 14رنز بنا کر حسن علی کی گیند پر بولڈ ہوگئے ، اش سوڈھی 4رنز بنا کر یاسر شاہ کی گیند پر کلین بولڈ ہوئے ، ہنری نکولس77رنز کی عمدہ اننگز کھیلنے کے بعد حسن علی کی شاندار گیند پر بولڈ ہوئے ، یاسر شا ہ نے نیل ویگنر کو10رنز پر کیچ آﺅٹ کروا کر میچ میں دوسری مرتبہ 5وکٹیں حاصل کیں اور پھر ٹرینٹ بولٹ کو آﺅٹ کرکے میچ میں مجموعی طور پر 14شکار مکمل کیے۔کیویز کی پوری ٹیم 311رنز بنا کر ڈھیر ہوگئی اور یوں پاکستان نے یہ مقابلہ اننگزاور16رنز سے جیت لیا۔ گزشتہ روز یاسر شاہ کی تباہ کن بولنگ کے سامنے کیویز ٹیم اپنی پہلی اننگز میں 90 رنز پر ڈھیر ہوگئی تھی جس کے بعد کپتان سرفراز احمد نے فالو آن کرایا تو پاکستان کو مہمان ٹیم پر 328 رنز کی برتری حاصل ہوئی۔اوپننگ بلے باز جیت راول 2 اور کپتان کین ولیمسن 30 رنز بناسکے، دوسری اننگز میں بھی یاسر شاہ نے دو وکٹیں حاصل کیں اور اس طرح اب تک وہ 10 وکٹیں حاصل کرچکے ہیں۔ایک اننگز میں 10 وکٹیں حاصل کرنے کا کارنامہ یاسر شاہ نے تیسری مرتبہ انجام دیا۔لیگ سپنر یاسر شاہ ٹیسٹ میچ کی ایک اننگز میں کم رنز کے عوض 8 وکٹیں حاصل کرنے والے تیسرے پاکستانی باﺅلر بھی بن گئے، اس سے قبل عبدالقادر اور سرفراز نواز نے 9،9 وکٹیں حاصل کی تھیں۔یاد رہے کہ پاکستان نے پہلی اننگ میں 418 رنز بنائے تھے جس کے جواب میں نیوزی لینڈ کی پوری ٹیم صرف 90 رنز پر ڈھیر ہوگئی۔ میچ کے تیسرے روز قومی ٹیم کی جانب سے فالو آن کروانے کے بعد کیویز نے 2 وکٹ پر 131 رنز بنائے تھے۔

اہم خبریں, پاکستان

حکومتی سنچری مکمل ہونے پر عمران خان قوم کو اعتماد میں لیں گے،جلد خطاب متوقع

اسلام آباد(ویب ڈیسک)حکومت نے 100 روز مکمل ہونے پر تقریب منعقد کرنے کا فیصلہ کیا ہے اس حوالے سے 29 نومبر کو جناح کنونشن سنٹر میں تقریب منعقد کی جائیگی،جس میں وزیراعظم عمران خان حکومتی کارکردگی پر قوم کو اعتمادمیں لیں گے۔تحریک انصاف کی حکومت کے 100 روز مکمل ہو گئے ہیں جس پر حکومت نے جناح کنونشن سنٹر میں تقریب منعقد کرنے کا فیصلہ کیا ہے، 100 روزہ پلان تقریب 29 نومبر کومنعقد کی جائیگی جس میں وزیراعظم حکومتی کارکردگی پر قوم کو اعتماد میںلیں گے ،عمران خان حکومت کی 100 روزہ کارکردگی پر خود بات کریں گے ،تقریب کے دعوت نامہ ارسال کردیئے گئے ہیںجس میں وفاقی کابینہ، پی ٹی آئی ارکان اسمبلی، سینٹرز اور مختلف شعبوں سے اہم شخصیات کو مدعو کیا جائے گا۔تقریب میں وزیراعظم پلان میں حاصل کئے گئے اہداف بتائیں گے اس کے علاوہ آئندہ کیلئے حکومتی منصوبوں سے بھی قوم کو آگاہ کریں گے۔

اہم خبریں, پاکستان

دنیا کی سب سے بڑی تیل کمپنی کا وفد پاکستان پہنچ گیا،بڑی خوشخبری آگئی

لاہور (ویب ڈیسک )پاکستان میں سرمایہ کاری کے دروازے کھلنے لگے ہیں کیونکہ امریکی کمپنیاں اربوں ڈالر کی سرمایہ کای کی خواہش رکھتی ہیں۔ذرائع کے مطابق دنیا کی سب سے بڑی آئل کمپنی ایگزان موبل نے پاکستان میں سرمایہ کاری کی خواہش کا اظہار کر دیا ہے ، ایگزان موبل کے چیئرمین نے وفد کے ہمراہ وفاقی وزیر برائے پورٹ اینڈ شپنگ علی زیدی اور وزیر توانائی عمر ایوب کے ساتھ ملاقات کی جس دوران تفصیلی بات چیت کی گئی ہے۔ امریکی کمپنی ایگزان کے چیئرمین اور وفد کی وزیراعظم عمران خان کے سے ملاقات بھی طے پا گئی ہے۔ایگزان پاکستان میں ایل این جی ٹرمینل لگائے گی جبکہ کراچی کے سمندر میں آف شور آئل ڈرلنگ بھی کرے گی۔ ایگزان آج پاکستان میں اپنے پہلے دفتر کا افتتاح کرنے جارہی ہے جس میں اسد عمر ، علی زیدی ، عمر ایوب اور دیگر اہم ترین شخصیات شرکت کریں گی۔

انٹر نیشنل, سائنس و ٹیکنالوجی

نشہ کرنے والوں کے دماغوں کی سکین ٹیسٹ میں سنسنی خیز انکشافات

نیویارک(ویب ڈیسک) عام طور پر لوگ سگریٹ کو نشہ تصور ہی نہیں کرتے لیکن سائنسدانوں نے اب کوکین، شراب اور سگریٹ کے عادی افراد کے دماغوں کے سکین لے کر ان کا تجزیہ کرنے کے بعد ایسا انکشاف کیا ہے کہ سگریٹ کے عادی افراد بھی اس لت سے تائب ہو جائیں گے۔ میل آن لائن کے مطابق امریکہ کی میڈیکل یونیورسٹی آف ساﺅتھ کیرولینا کے سائنسدانوں نے تینوں نشوں کی لت میں پڑے افراد کو ان کے نشے کی اشیاءشراب، کوکین یا سگریٹ دکھائی اور ساتھ ہی ان کے دماغوں کو ایم آر آئی سکینر کے ذریعے مانیٹر کیا۔جب سگریٹ پینے والوں کو سگریٹ دکھائی گئی تو ان کے دماغ کے اگلے حصے کا ایک واضح حصہ متحرک ہو گیا اور سائنسدان یہ دیکھ کر دنگ رہ گئے کہ عادی شرابیوں کی نسبت سگریٹ نوشوں کے دماغ کا زیادہ حصہ متحرک ہوا تھا جو لگ بھگ کوکین کے عادی افراد کے برابر تھا۔ حتمی طور پر سائنسدانوں نے بتایا کہ سگریٹ نوشوں کا 53فیصد، کوکین کے عادی افراد کا 55فیصد اور شراب کے عادی افراد کے سامنے کے دماغ کے پری فرنٹل کارٹیکس ریجن کا 48فیصد حصہ متحرک ہوا۔ تحقیقاتی ٹیم کی سربراہ ڈاکٹر کولین ہینلن کا کہنا تھا کہ ”اس تحقیق کا مقصد منشیات کے عادی افراد کے علاج کو مﺅثر بنانا تھا ، جس کے لیے ہم جاننا چاہتے تھے کہ منشیات لوگوں کے دماغ پر کس طریقے سے اثرانداز ہوتی ہیں۔ اس دوران معلوم ہوا کہ سگریٹ، کوکین اور شراب دماغ کے پری فرنٹل ریجن کے کئی یکساں حصوں پر بھی اثرانداز ہوتی ہیں اور کئی مختلف حصوں پر بھی۔ کوکین دماغ کو تین مختلف حصوں سے متاثر کرتی ہے جبکہ شراب اور سگریٹ ایک ہی جگہ پر بہت بڑے حصے کو متاثر کرتی ہیں۔ دماغ کے ان حصوں کا تعلق یادداشت سے ہوتا ہے۔ یہی وجہ ہے کہ سگریٹ اورمنشیات استعمال کرنے والوں کی یادداشت زائدالعمری میں ساتھ چھوڑ جاتی ہے اور وہ رعشے جیسی بیماریوں میں مبتلا ہو جاتے ہیں۔“

پاکستان

بزرگ شہریوں کی پنشن میں 20 فیصداضافہ

اسلام آباد(ویب ڈیسک) ای او بی آئی نے بزرگ شہریوں کے لیے پنشن میں 20 فیصد اضافہ کردیا۔ ذرائع کے مطابق بزرگ شہریوں کے لیے ای او بی آئی نے پنشن 20 فیصد بڑھادی ہے، پہلے ای او بی آئی کی جانب سے بزرگ شہریوں کو پنشن 5250 سے روپے دی جاتی تھی تاہم اب بزرگ شہریوں کو ماہانہ 6500 روپے ملا کریں گے جب کہ بیرون ملک مقیم پاکستانیوں کے لیے نائیکوپ کی شرط ختم کردی گئی ہے۔

انٹر نیشنل, سائنس و ٹیکنالوجی

موبائل استعمال کرنے والے ہوجائیں ہوشیار،ایڈزکا سبب بننے والی ایپ مل گئی

لندن(مانیٹرنگ ڈیسک) ایڈز انسانیت کو درپیش بڑے خطرات میں سے ایک ہے جس کا تاحال کوئی علاج دریافت نہیں کیا جا سکتا۔ اب ماہرین نے وہ ایپلی کیشنز بتا دی ہیں جو اس جان لیوا مرض میں اضافے کا سبب بن رہی ہیں۔ ڈیلی سٹار کے مطابق جنسی صحت کے ماہر ڈاکٹر پیٹر گرین ہاﺅس کا کہنا ہے کہ ”ٹنڈر (Tinder)اور اس نوع کی دیگر ایپلی کیشنز ایڈزکے پھیلاﺅ کا سبب بن رہی ہیں۔ان ایپلی کیشنز نے اجنبی مردوخواتین کا جنسی تعلق کے لیے ملنا بہت آسان بنا دیا ہے اور یکے بعد دیگرے نئے لوگوں کے ساتھ غیرمحفوظ طریقے سے جنسی تعلق استوار کرتے ہیں۔یہی وجہ ہے کہ اس طرز عمل کی وجہ سے ایچ آئی وی کے کیسز میں بہت تیزی سے اضافہ ہو رہا ہے۔“ڈاکٹر گرین ہاﺅس کا مزید کہنا تھا کہ ”ان ایپلی کیشنز کی وجہ سے مردوخواتین اب بہت جلد جنسی پارٹنر تبدیل کر لیتے ہیں۔ ایسے لوگوں کو بھی ہم جانتے ہیں جو ان ایپلی کیشنز کے ذریعے محض ایک ملاقات کے لیے لوگوں سے ملتے ہیں اور پھر نئے شخص کی تلاش میں لگ جاتے ہیں اور وہ انہیں ان ایپلی کیشنز کے ذریعے باآسانی مل بھی جاتا ہے۔ان ایپلی کیشنز سے قبل مردوخواتین روبروملتے تھے اور پھر ان میں تعلق استوار ہوتا تھا اور کوئی مرد یا عورت بمشکل جنسی پارٹنر ڈھونڈ پاتے تھے۔ تاہم اب یہ کام کوئی مشکل نہیں رہا اور ایڈز جیسے مرض کا پھیلاﺅ اس آسانی کے سنگین منفی پہلو کے طور پر سامنے آ رہا ہے۔ اس کے ساتھ انٹرنیٹ پر فحش فلموں کی بھرمار کی وجہ سے لوگوں میں جنسی عمل کے غلط طریقے بھی فروغ پا چکے ہیں جو ایڈز کا سب سے بڑا سبب بنتے ہیں۔ مرد کا عورت کے ساتھ غیر فطری طریقے سے جنسی عمل کرنا جنسی بیماریوں کے پھیلاﺅ کا سب سے مﺅثر ذریعہ ہے۔ آج کل زیادہ تر لوگ عورتوں کے ساتھ بدفعلی کر رہے ہیں اور یہ عورتیں یکے بعد دیگرے کئی کئی مردوں کے ساتھ اس غیرفطری طریقے سے جنسی عمل قائم کرتی ہیں۔ اس کے نتیجے میں ایڈز لاحق ہونے کے امکانات بہت واضح ہو جاتے ہیں۔“

اہم خبریں, پاکستان

ڈارکے اکاﺅنٹ سے 50 کروڑ حکومت پنجاب کو مل گئے

لاہور(ویب ڈیسک) ضلعی انتظامیہ نے مسلم لیگ (ن) کے سینیٹراسحاق ڈار کے اکاﺅنٹس سے 50 کروڑسے زائد رقم حکومت پنجاب کو منتقل کردیئے۔ذرائع کے مطابق سپریم کورٹ نے آمدنی سے زائد اثاثہ جات کیس میں اسحاق ڈارکی جائیداد ضبط کا حکم دیا تھا، اس سلسلے میں نیب نے حکومت پنجاب کو اسحاق ڈارکے تمام بینک اکاﺅنٹس اوراملاک کی تفصیلات دیتے ہوئے عدالتی فیصلے پرعملدرآمد کے لئے مراسلہ بھجوایا تھا۔احکامات کی روشنی میں ڈی سی لاہورنے حکومت پنجاب کی جانب سے بینکوں کومراسلے جاری کئے، جس پربینکوں نے سی آرڈی سی (7) 88 سیکشن کے تحت ڈی سی کورقم بھجوائی۔ ضلعی انتظامیہ نے یہ رقم 3 پے آڈرزکے ذریعے حکومت پنجاب کو منتقل کی۔واضح رہے کہ اسحاق ڈارکی گلبرک کوٹھی پہلے ہی ایل ڈی اے کے ذریعے تحویل میں ہے۔

اہم خبریں, پاکستان

حساس اداروں کی ٹی ایل پی قیادت کیخلاف بغاوت کے مقدمے کی سفارش

لاہور(ویب ڈیسک ) حساس اداروں نے تحریک لبیک کی قیادت پر بغاوت کا مقدمہ درج کرنے کی رپورٹ جاری کردی،جس کے نتیجے میں خادم رضوی ودیگر کو ایک سال کیلئے جیل ہوسکتی ہے،تاہم ابھی خادم رضوی کو ایک سرکاری گیسٹ ہاو¿س میں نظربند کردیا گیا ہے۔ میڈیا رپورٹس کے مطابق گزشتہ جمعے کے روز تحریک لبیک کے کارکنان کے خلاف کریک ڈاو¿ن کیا گیا۔100سے زائد کارکنا ن کو جیل میں ڈال دیا ہے۔ تحریک لبیک کے سربراہ خادم رضوی کوگرفتار کرکے ایک سرکاری گیسٹ ہاو¿س میں مہمان بناد یا گیا ہے۔ان کووہاں ایک مہینے سے تین مہینے تک رکھا جاسکتا ہے۔ مبشر زیدی نے بتایا کہ فواد چودھری نے ٹویٹ کی تھی کہ انہوں نے 25نومبر کو فیض آباد طرز کا ایک دھرنا رکھا ہم نے ان کومنایا لیکن یہ نہیں مانے۔انہوں نے کہا کہ اب ہویہ رہا ہے کہ ملک بھر کے جن میں پنجاب ، سندھ کے تمام حساس ادارے شامل ہیں۔
ان حساس اداروں نے سمری بھیجی ہے۔جس میں انہوں نے حکومت کو کہا ہے کہ تحریک لبیک کی گرفتار لیڈرشپ خادم رضوی یا دیگرقیادت کیخلاف بغاوت کا مقدمہ درج کیا جائے اور ان کو کم ازکم ایک سال باہر نہ آنے دیا جائے۔لیکن ابھی تک یہ نہیں پتا کہ جس لیڈرشپ نے فو ج اور عدلیہ کیخلاف بیان بازی کی ، وہ لوگ کہاں ہیں؟حاضر سروس ججز کو قتل کی دھمکیاں اور فوج کے خلاف بیان دیں۔ان کیخلاف کاروائی ہونی چاہیے۔ دوسری جانب تحریک لبیک یارسول اللہ کے سربراہ ڈاکٹر اشرف ا?صف جلالی نے تحریک لبیک پاکستان اور علامہ خادم حسین رضوی کے ساتھ اظہار لاتعلقی کردیا۔ میڈیا رپورٹ کے مطابق اپنے ویڈیو پیغام میں ڈاکٹر اشرف ا?صف جلالی نے کہا کہ تحریک لبیک پاکستان کا اپنا طریقہ کار ہے اور ہمارا اپنا طریقہ کار ہے۔ انہوںنے کہاکہ لیاقت باغ کی جو کال دی گئی ہے وہ تحریک لبیک پاکستان کی طرف سے دی گئی ہے اور تحریک لبیک یا رسول اللہ اور تحریک لبیک اسلام کا اس سے کوئی تعلق نہیں ہے۔ڈاکٹر اشرف ا?صف جلالی نے کہا کہ ہمارا نہ توڑ پھوڑ اور جلاﺅ گھیراﺅ سے کوئی تعلق ہے اور نہ ہی حالیہ کال کے ساتھ کوئی تعلق ہے۔