کراچی(شوبزڈیسک )پاکستان کی معروف اداکارہ مہوش حیات نے کہا ہے کہ بھارتی فلموں میں فی الحال کام کرنے کے بارے میں نہیں سوچا ، ملکی فلموں میں بھی کم اور معیاری فلموں کو ترجیح دے رہی ہوں۔تفصیلات کے مطابق ایک انٹر ویو میں مہوش حیات نے کہا ہے کہ ٹی وی فنکاروں کی بنائی ہوئی فلموں کی کامیابی نے ملک و بیرون ممالک میں جو نئی شناخت بنائی ہے وہ فلم انڈسٹری کے مستقبل کے لئے خوش آئند ہے۔انہوں نے کہاکہ ایوارڈفنکار وں کی حوصلہ افزائی کا باعث بنتے ہیں، فنکار کی شناخت اس کا فن ہوتا ہے ، سرحد کی قید میں فن کو محدود نہیں کیا جاسکتا۔ملکی ڈرامہ انڈسٹری میں ماضی کے مقابلے میں اب بہتری آگئی ہے۔غیر ملکی ڈراموں کی بہتات کے باوجود ملکی ڈراموں نے اپنی منفرد شناخت بنارکھی ہے۔

لاہور(شوبزڈیسک)  اداکارہ ستارہ   نے صلح کر نے سے انکار کر دیا۔ تفصلات کے مطابق ستارہ بےگ نے اداکارہ انجمن اور گوری کے بھائی سمےت5افراد کے خلاف اجتماعی زےادتی پر مقدمہ کے اندارج کی درخواست دے رکھی ہے مگر اب ستارہ بےگ پر صلح کےلئے دباﺅ ڈالا جارہا ہے اور نامعلوم افراد کی جانب سے صلح نہ کر نے پر سنگےن نتائج کی دھمکےاں دےں جا رہی ہےں اس حوالے سے مےڈےا سے گفتگو مےں ستارہ بےگ نے کہا کہ مےں اپنی جان تو دے سکتی ہوں مگر کسی بھی زےادتی کر نےوالے افراد سے صلح نہےں کروںگی بلکہ مےرا مطالبہ ہے کہ پولےس جلد ازجلد تمام ملزموں کو گر فتار کر ےں اور انکو نشانہ عبرت بناےا جائے ۔

ممبئی (شوبزڈیسک) بالی وڈ اداکار سلمان خان کی فلم ”بھارت“ کے لئے اداکارہ شردھا کپور کے نام کا اعلان کر دیا گیا ہے۔ بھارتی میڈیا کے مطابق حال ہی میں خبریں سامنے آرہی تھیں کہ فلم میں پریانکا چوپڑا سلمان خان کے ساتھ جلوہ گر ہوں گی لیکن اب شردھا کپور کے نام کو حتمی شکل دے دی گئی ہے۔ فلم میں شردھا کپور سلمان خان کے ساتھ پہلی بار پردہ سکرین پر نظر آئیں گی ، فلم کی عکس بندی جون میں شروع کی جائے گی جبکہ اس کی تیاریاں6 فروری سے ہی شروع کر دی گئی تھیں۔ فلم کی کہانی ساﺅتھ کورین فلم ”این آڈ ٹو مائے فادر“ سے ماخوذ ہے ، جس میں ایک شخص جنگ میں اپنے خاندان سے بچھڑ جاتا ہے، اور پھر وہ ان سے جا ملنے کے لئے کیا کیا جتن کرتا ہے یہ سب فلم میں دکھایا گیا ہے۔ فلم کے ہدایتکار علی عباس ظفر ہیں ۔
فلم آئندہ سال نمائش کے لئے پیش کی جائے گی۔

ممبئی(شوبزڈیسک)سلمان خان نے اپنی اگلی فلم ”ریس3“کا پہلا پوسٹر جاری کردیا۔ایکشن اور تھرلر سے بھرپور ریس سیریز کی تیسری فلم ”ریس3“کا پہلا آفیشل پوسٹر جاری کردیا گیا ہے، جس میں فلم کی پوری کاسٹ نمایاں نظر آرہی ہے۔ فلم میں سلمان خان مرکزی کردارادا کررہے ہیں جب کہ دیگر کاسٹ میں اداکارہ جیکولین فرنینڈس، ڈیزی شاہ، اداکار بوبی دیول، انیل کپور اور ثاقب سلیم شامل ہیں۔ سلمان خان نے ٹوئٹر پر فلم کا پوسٹر جاری کرتے ہوئے ”ریس3“کی کاسٹ کو فیملی قرار دیا اور کہا” یہ ہے ”ریس3“ کی فیملی، اور اب ریس شروع ہوتی ہے۔اس سے قبل سلمان خان نے ریس 3 کے تمام کرداروں کے الگ الگ پوسٹرز جاری کیے تھے۔ ہدایت کار و کوریوگرافر ریمو ڈی سوزا کی فلم”ریس3“ عید الفطر کے موقع پر ریلیز کی جائے گی۔واضح رہے کہ یہ فلم ریس سیریز کی تیسری فلم ہے۔ اس سے قبل دونوں فلموں میں سیف علی خان نے مرکزی کردار اداکیا تھا جب کہ دونوں فلمیں باکس آفس پر 100 کروڑ سے زائد کا بزنس کرنے میں کامیاب ہوئی تھیں۔ توقع کی جارہی ہے کہ سلمان خان کی فلم ”ریس3“ بھی باکس آفس پر کھڑکی توڑ بزنس کرنے میں کامیاب ہوگی۔

ممبئی (شوبز ڈیسک ) امیتابھ بچن اپنی فلم ” شو بائٹ‘’ کی ریلیز میں تاخیر ہونے پر اضطراب و پریشانی کا شکار ہو گئے۔بھارتی فلم انڈسٹری کے بے تاج بادشاہ امیتابھ بچن اپنی نئی فلم ” شو بائٹ“ کی ریلیز کے لیے بے چین دکھائی دیتے ہیں۔ انہوں نے ٹوئٹر پر اپنے ایک پیغام میں فلم کو ریلیز کرنے کی پ±ر زور اپیل کرتے ہوئے کہا ہے کہ ’براہِ مہربانی۔۔۔ براہِ مہر بانی۔۔۔ براہِ مہربانی جو بھی تاخیر کا ذمہ دار ہو، پلیز اب فلم کو ریلیز کردیا جائے جس کی تیاری کے لیے بہت محنت کی گئی ہے اور تکلیفیں ا±ٹھائی ہیں۔ تخلیقی کام کا قتل نہ کریں‘۔ میڈیا کے مطابق فلم کی ریلیز میں تاخیر کی وجہ کا تعین نہیں ہو سکا۔ تاہم کہا جا رہا ہے کہ ممکن ہے کہ فلم کی ریلیز میں تاخیر پروڈکشن ہاﺅس کے درمیان قانونی جنگ ہو تاہم وجہ جو بھی ہو اسٹار اداکار کی بے چینی اور اضطراب سے ظاہر ہوتا ہے کہ یہ فلم اپنی کہانی، ہدایت کاری اور اداکاری کے لحاظ سے منفرد ہوگی۔

ممبئی(شوبزڈیسک) بھارت کے معروف کامیڈین کپل شرما اپنے شو سے متعلق افواہوں پر پھٹ پڑے۔بھارت کے معروف کامیڈین و اداکار کپل شرما اپنے شو کی وجہ سے بھارت سمیت دنیا بھر میں مقبول ہیں اور ان کی شو کی مقبولیت کا اندازہ اس بات سے لگایا جا سکتا ہے لیکن گذشتہ روز کپل اور سنیل کی سوشل میڈیا پر جھگڑے کی وجہ سے نئے شو میں فلم ’ باغی ٹو‘ کی ر یکارڈنگ کی منسوخی کی افواہوں پر کپل شرما پھٹ پڑے۔معروف کامیڈین کپل شرما نے ٹوئٹر پر اپنے نئے شو ’فیملی ٹائم ود کپل‘ میں فلم ’باغی ٹو ‘ کی ر یکارڈنگ کی منسوخی کے حوالے سے خبروں کی تردید کرتے ہوئے کہا کہ ٹائیگر کو شو کی دوسری قسط میں شوٹنگ کے لیے بلایا ہی نہیں گیا تو پروگرام کی شوٹ منسوخ ہونے کا سوال ہی نہیں بنتا۔ کپل نے طنز کرتے ہوئے کہا کہ کچھ تو خبروں میں صداقت رکھا کرو ٹوئٹر کیا وضاحت دینے کے لئے ہی رہ گیا ہے۔دوسری جانب کپل شرما ایک بار پھر اپنے نئے شو’ فیملی ٹائم ود کپل ‘ کے ذریعے لوگوں کو ہنسانے آرہے ہیں، ان کا نیا پروگرام بھارتی ٹی وی چینل سونی سے نشر کیا جائے گا۔ چینل انتظامیہ نے کپل کی واپسی کی مختصر ویڈیو شیئر کی، 20 سیکنڈ کی اس مختصر ویڈیو میں کپل نے مزاحیہ انداز میں کہا کہ اس شو میں پرائز ہے یہ سرپرائز ہے۔واضح رہے کہ بھارت کا مشہور کامیڈی پروگرام ’دی کپل شرما شو‘ گزشتہ سال کپل اور سنیل گروور کی لڑائی کی وجہ سے بند کردیا گیا تھا اور نیا شو آج سے آن ایئر ہورہا ہے۔